Ӧксыяслӧн 2 небӧг 18:27 - Коми Библия 2023

²⁷ Видзӧдысь шуис: «Воддза котӧртысьыс дзик Садоклӧн Ахимаас пиыс моз котӧртӧ». Ӧксы шуис: «Тайӧ бур мортыс бур юӧрӧн локтӧ».

Ӧксыяслӧн 2 небӧг 18:27 ပူးပေါင်းရင်းမြစ်များ

Ӧксыяслӧн 2 небӧг 18:26

Сэсся видзӧдысь аддзис мӧд котӧртысьӧс да горӧдіс дзиръя видзысьлы: «Нӧшта ӧти морт котӧртӧ». Ӧксы шуис: «Сійӧ тшӧтш юӧр вайӧ».

Ӧксыяслӧн 3 небӧг 1:42

Сылӧн сёрнитігкості локтіс Авиатар поплӧн Ионафан пиыс. Адоний шуис сылы: «Лок, пыр. Тэ веськыд морт, тэ ваян бур юӧръяс».

Ӧксыяслӧн 4 небӧг 9:20

Башня вывсянь видзӧдысь юӧртіс ӧксылы: «Верзьӧмаыд воис на дінӧдз, но бӧрсӧ оз лок. А медводдза тарантасын рӧдтысьыс лэбӧмӧн-лэбӧ Нимшилӧн Еху пи моз».

Шусьӧгъяс 25:13

Кӧдзыд ва ыркӧдӧ нянь вундысьӧс – татшӧм жӧ эскана кесйӧг аслас мӧдӧдысьлы, сійӧ вын сетӧ аслас ыджыдыслы.

Шусьӧгъяс 25:25

Ылі муысь бур юӧрыд – горш косьмигӧн ыркыд ва кодь.

Исай 52:7

Кутшӧм шензьӧданаӧсь кокъясыс сылӧн, коді керӧсъяс вывті нуӧ бур юӧр, юӧртӧ лӧнь олӧм йылысь, вайӧ нимкодь юӧр, висьталӧ мездмӧм йылысь, Сионлы шуӧ: «Тэнад Енмыд ӧксыалӧ!»

Римӧ 10:15

Кыдзи нӧ висьталасны, абу кӧ мӧдӧдӧма висьтавнысӧ? Гижӧма: «Кутшӧм шензьӧданаӧсь кокъясыс сылӧн, коді вайӧ бур юӧр, юӧртӧ лӧнь олӧм йылысь».