Ӧксыяслӧн 2 небӧг 18:18 - Коми Библия 2023

¹⁸ Ловъя дырйиыс на Авессалом сувтӧдіс аслыс Ӧксы ковтысӧ казьтылан из. Сійӧ шуліс, менам пӧ абу пиӧй, коді эськӧ водзӧ видзис менсьым нимӧс. Изсӧ нимтіс аслас нимӧн. Ӧнӧдз тайӧ казьтылан изйыс шусьӧ ”Авессаломлы из”.

Ӧксыяслӧн 2 небӧг 18:18 ပူးပေါင်းရင်းမြစ်များ

Олӧм 11:4

Найӧ шуисны: «Лэптамӧй аслыным кар да башня, джуджданас мед лоӧ енэжӧдз. Тадзи нимӧдам асьнымӧс да став му пасьталаыс огӧ разалӧй».

Олӧм 11:9

Карыслы сетӧма Вавилон ним, ӧд сэні Господь сорлаліс йӧзлысь кывсӧ да сэтысянь разӧдіс найӧс став му пасьтала.

Олӧм 14:17

Кедорлаомерӧс да сыкӧд вӧлысь куим ӧксыӧс пасьвартӧм бӧрын Ӧврам бӧр бергӧдчис. Содомса ӧксы локтіс Шаве ковтысӧ, ӧнія Ӧксы ковтысӧ, медым вочаавны Ӧврамӧс.

Ӧксыяслӧн 2 небӧг 14:27

Авессаломлӧн чужисны куим пи да Фамар нима ӧти ныв. Фамар вӧлі зэв мича ань. [Сійӧ петіс Соломонлӧн Ровоам пи сайӧ да чужтіс сылы Авийӧс.]

Псалтыр 49:11

Ме тӧда керӧсвывса став лэбачсӧ, видзвывса став пемӧсыс – Менам.

Исай 22:16

– Коді тэ сэтшӧмыс? Тані тэнад абу рӧдвужыд, а тэ лысьтін изкыртаын керавны аслыд дзебанін. Вывтасінын тэ кералін аслыд гуасянін, изкыртаын вӧчин аслыд оланін.

Еремей 22:30

Господь тадзи висьталӧ: Еконей йылысь гижӧй, мый сылӧн ныв-пиыс эз вӧв, став олӧм чӧжыс сылӧн нинӧм эз артмы, ӧд сысянь чужысь оз пуксьы Давидлӧн юралан пуклӧсӧ, оз кут юравны Иуда муын.

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.

Лыд 32:42

Манассей чужанкотырысь Новах босьтіс Кенат кар да сыгӧгӧрса сиктъяс, нимтіс карсӧ аслас Новах нимӧн.

Ӧксыяслӧн 1 небӧг 15:12

Водз асывнас Самуил чеччис да мӧдӧдчис Саул дінӧ. Но Самуиллы юӧртісны, Саул пӧ мунӧма Кармил карӧ, мед сувтӧдны сэні аслыс казьтылан из. Сэсянь пӧ [бӧр ыстӧма тарантассӧ,] ачыс мунӧма Галгалӧ.