Ӧксыяслӧн 2 небӧг 17:28 - Коми Библия 2023

²⁸ Найӧ вайисны [водзвыв дасьтӧм дас] вольпась, [дас] тасьті да сёй дозъяс. Нӧшта вайисны пызь, шобді, ид, проса, анькытш, чечевица, пражитӧм тусь,

Ӧксыяслӧн 2 небӧг 17:28 ပူးပေါင်းရင်းမြစ်များ

Олӧм 25:34

Яков сетіс Исавлы нянь да чечевица шыд. Сійӧ сёйис-юис, чеччис да муніс, медводдза чужысьлӧн нимыс сылы вӧлі веськодь.

Шусьӧгъяс 11:25

Лышкыда сетысьлӧн ставыс тырмана, ва сетысьлӧн горшыс оз кут косьмыны.

Исай 32:8

А пыдди пуктана морт мӧвпалӧ бур вӧчӧм йылысь, сійӧ зумыда кутчысьӧ бур вӧчӧмас.

Авдий 1:3

Вылӧ кыпӧдчӧмыд ылӧдліс тэнӧ. Изкарын моз тэ олан джуджыд керӧсъяс вылын, тэ мӧвпалан ас йывсьыд: «Некод оз вермы шыбитны менӧ му вылӧ».

Матвей 5:7

Шудаӧсь бур сьӧлӧмаяс, ӧд налы бур сьӧлӧмсянь вӧчасны.

Ӧксыяслӧн 1 небӧг 25:18

Авигея тэрмасьӧмӧн босьтіс кыксё тупӧсь нянь, кык кучик дозйын вина, сёйны дасьтӧм вит ыж, вит куд тыр пражитӧм тусь, сё ёкмыль изюм да кыксё ёкмыль косьтӧм инжир. Ставсӧ тайӧс пуктіс осёлъяс вылӧ.