Ӧксыяслӧн 2 небӧг 17:25 - Коми Библия 2023

²⁵ Йоав пыдди тышкайӧзӧн веськӧдлыны Авессалом пуктіс Амессайӧс. Амессайлӧн батьыс вӧлі Изреельысь Йитрей, а мамыс вӧлі Авигея, Нахашлӧн ныв да Саруялӧн чой. Саруя вӧлі Йоавлӧн мам.

Ӧксыяслӧн 2 небӧг 17:25 ပူးပေါင်းရင်းမြစ်များ

Ӧксыяслӧн 2 небӧг 17:26

Авессалом израильса тышкайӧзкӧд сувтіс Галаад муӧ.

Ӧксыяслӧн 2 небӧг 19:13

Амессайлы висьталӧй, мый сійӧ меным ас морт. И Енмыс мед ёна мыждас менӧ, ог кӧ пукты сійӧс Йоав пыдди пыр кежлӧ веськӧдлыны тышкайӧзӧн!»

Ӧксыяслӧн 2 небӧг 19:14

Тадзи ӧксы бергӧдіс асланьыс став Иуда войтырӧс. Найӧ ӧти сьӧлӧмӧн шуисны мӧдӧдны юӧртысьӧс ӧксы дінӧ да тшӧктісны висьтавны сылы, бӧр лок пӧ, ӧксыӧй, аслад йӧзкӧд.

Ӧксыяслӧн 2 небӧг 20:4

Давид шуис Амессайлы: «Куим лун тэныд сета. Чукӧрт ме дінӧ став Иуда войтырсӧ. Ачыд мед тшӧтш тані вӧлін».

Ӧксыяслӧн 3 небӧг 2:28

Кор Йоавлы кывсис Адонийлӧн кулӧм йылысь, сійӧ котӧртіс Господьлӧн вежа чомйӧ да шашаритчис висьпуктанін сюръясӧ. Ӧд Йоав вӧлі Адоний дор, но сійӧ эз вӧв Авессалом дор.

Ӧксыяслӧн 3 небӧг 2:32

Господь водзын сійӧ ачыс мыжа аслас кулӧмысь, ӧд Давид батьӧйлы висьтавтӧг сійӧ виис шыпуртӧн кык мортӧс – Нирлысь Авенир писӧ, израильса тышкайӧзӧн веськӧдлысьӧс, да Етерлысь Амессай писӧ, иудаса тышкайӧзӧн веськӧдлысьӧс. Найӧ вӧліны сыысь веськыдджыкӧсь да бурджыкӧсь.

Ӧксыяслӧн 3 небӧг 2:5

Тэ ӧд тӧдан, мый Саруялӧн Йоав пиыс вӧчис меным. Тэ тӧдан, мый сійӧ виис израильса тышкайӧзӧн кык веськӧдлысьӧс, Нирлысь Авенир писӧ да Етерлысь Амессай писӧ. Лӧнь кад дырйи тышын моз вир кисьтіс, вирӧсьтіс коссьыс вӧньсӧ да коксьыс кӧмсӧ.

1 Каднебӧг 12:19

Манассей чужанкотырысь йӧз вуджисны Давид дор, кор Давид филистимсаяскӧд петіс тышӧ Сауллы паныд. Но Давид да сылӧн йӧзыс эз отсасьны филистимсаяслы, ӧд филистимса юралысьяс ас костаныс сёрнитчӧм бӧрын ыстісны Давидӧс ас дінсьыныс. Найӧ шуисны: «Сійӧ вермас вуджны Саул ыджыдыс дінӧ, и ми вермам воштыны ассьыным юрнымӧс».

1 Каднебӧг 2:13

Ессейлӧн медводдза пиыс вӧлі Элиав, мӧдыс – Авинадав, коймӧдыс – Шимей,