Ӧксыяслӧн 2 небӧг 17:23 - Коми Библия 2023

²³ Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Ӧксыяслӧн 2 небӧг 17:23 ပူးပေါင်းရင်းမြစ်များ

Ӧксыяслӧн 2 небӧг 15:12

Вись вайӧм дырйи Авессалом тшӧктіс корны Гило карысь Ахитофелӧс, сійӧ вӧлі Давидӧс туйдӧдысь. Тадзи вынсяліс израильсаяскӧд гуся сёрнитчӧмыс, и йӧзыс Авессалом дор ӧтарӧ содіс.

Ӧксыяслӧн 2 небӧг 15:31

Давидлы юӧртісны, Ахитофел пӧ ӧтувтчӧма Авессаломкӧд. Сэки Давид пондіс кевмысьны: «Господьӧй, [Енмӧй,] вӧч сідзи, мед Ахитофеллӧн шуӧм-вӧзйӧмыс лоӧ мывкыдтӧм вӧзйӧмӧн».

Ӧксыяслӧн 2 небӧг 16:23

Сійӧ кадас Ахитофел дінӧ шыасьлісны Ен дінӧ моз, ӧд Ахитофеллӧн быд шуӧм-вӧзйӧм вӧлі Енсянь шуӧм кодь. Тадзи вӧлі Давидлы, тадзи лои тшӧтш Авессаломлы.

Ӧксыяслӧн 2 небӧг 17:22

Давид став аслас йӧзкӧд вуджис Йӧрдан ю сайӧ. Асылӧдзыс некод эз коль ю таладорас.

Ӧксыяслӧн 3 небӧг 16:18

Зимри кор аддзис, мый израильса тышкайӧз босьтісны карсӧ, пырис аслас ӧксы керкаӧ пыді жыръяс да ӧзтіс керкасӧ, ачыс сотчис. Тадзи сійӧ куліс

Ӧксыяслӧн 4 небӧг 20:1

Сійӧ кадас Езекей чорыда висьмис да вӧлі куланвыйын. Сы дінӧ локтіс Исай пророк, Амослӧн пиыс, да шуис: «Господь тадзи висьталӧ: ”Висьтав гортсаыдлы ассьыд бӧръя кӧсйӧмтӧ, ӧд тэ он бурд, но кулан”».

Иов 31:3

Бырӧдӧмыс ӧмӧй оз вичмы мыж вӧчысьлы, шогыс – лёк вӧчысьлы?

Псалтыр 5:10

Ӧд налӧн вомын збыльыс абу, налӧн сьӧлӧмын – бырӧдӧм, налӧн горшныс – восьса гу, кывнас найӧ пӧръясьӧны.

Шусьӧгъяс 16:18

Вылӧ кӧ пуксян – олӧмтӧ жугӧдан, ныртӧ кӧ кутан лэптавны – усян.

Шусьӧгъяс 19:3

Йӧйлун вӧснаыс мортыдлӧн торксьӧ олӧмыс, а сьӧлӧмыс скӧралӧ Господь вылӧ.

Исай 38:1

Сійӧ кадас Езекей чорыда висьмис да вӧлі куланвыйын. Сы дінӧ локтіс Исай пророк, Амослӧн пиыс, да шуис: «Господь тадзи висьталӧ: ”Висьтав гортсаыдлы ассьыд бӧръя кӧсйӧмтӧ, ӧд тэ он бурд, но кулан”».

Матвей 27:5

Иуда шыбитіс сьӧмсӧ крамас, сэсся петіс сэтысь, муніс да джагӧдчис.