Ӧксыяслӧн 2 небӧг 17:12 - Коми Библия 2023

¹² Ми корсям Давидӧс, кӧні эськӧ сійӧ эз дзебсясь. Кыдзи лысва усьӧ да вевттьӧ ставнас мусӧ, тадзи уськӧдчам Давид вылӧ да сылӧн йӧз вылӧ, и некод ловйӧн оз коль.

Ӧксыяслӧн 2 небӧг 17:12 ပူးပေါင်းရင်းမြစ်များ

Ӧксыяслӧн 3 небӧг 20:10

Бен-Хадад воча юӧр ыстіс Ахавлы: «Енъяс мед ёна мыждасны менӧ, Самарияысь кӧ весиг китыр пӧим сюрас менам быд тышкамортлы».

Ӧксыяслӧн 4 небӧг 18:23

Ассурса ӧксылӧн эскана морт водзӧ тшӧктіс висьтавны Езекейлы: «Ӧтувтчы менам ыджыдкӧд, ассурса ӧксыкӧд. Ме сета тэныд кык сюрс вӧв, сюрас кӧ тэнад та мында верзьӧмаыс.

Ӧксыяслӧн 4 небӧг 19:24

Йӧз муын ме кодйи юкмӧсъяс да юи сэтысь васӧ, ме восьлалі египетса юясӧд, и найӧ косьмисны”.

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Авдий 1:3

Вылӧ кыпӧдчӧмыд ылӧдліс тэнӧ. Изкарын моз тэ олан джуджыд керӧсъяс вылын, тэ мӧвпалан ас йывсьыд: «Некод оз вермы шыбитны менӧ му вылӧ».

Микей 5:7

Яков рӧдлӧн колясыс лоӧ войтыръяс пӧвстын Господьсянь мӧдӧдӧм лысва кодь, турунсӧ киськалӧм зэр кодь. Найӧ оз нин пондыны видзӧдны морт вылӧ, оз нин пондыны лача кутны йӧз вылӧ.

Ӧксыяслӧн 1 небӧг 23:23

Тӧдмалӧй да видзӧдалӧй, кӧні сійӧ дзебсясьӧ. Кор ставсӧ бура тӧдмаланныд, локтӧй да юӧртӧй меным. Сэки ме муна тіянкӧд. Сійӧ кӧ тані, Иуда муын, ме кута корсьны сійӧс став кар-сиктысь».