Ӧксыяслӧн 2 небӧг 16:8 - Коми Библия 2023

⁸ Господь водзӧс перйӧ тэнсьыд Саул рӧдлысь вирсӧ кисьтӧмысь. Тэ пуксин ӧксыӧ Саул пыдди, но ӧні Господь сетіс ӧксыалӧмтӧ тэнад Авессалом пилы. Тэ морт виысь, та вӧсна тэнӧ суис тайӧ шогыс».

Ӧксыяслӧн 2 небӧг 16:8 ပူးပေါင်းရင်းမြစ်များ

Ӧксыяслӧн 2 небӧг 1:16

А юӧр вайысьлы шуис: «Тэ ачыд мыжа аслад кулӧмысь. Ӧд тэ аслад вомӧн шуин, мый виин Господьлысь мавтыштӧмасӧ». Шыпурта бытшкис юӧр вайысьӧс, и мӧдыс куліс.

Ӧксыяслӧн 2 небӧг 19:19

да шуис: «Ыджыдӧй, эн мыжав менӧ. Эн казьтыв, мый сэки Ерусалимысь петігад ме, тэнад кесйӧг, вӧчи уна лёктор тэныд, ӧксыӧй. Эн кут тайӧс сьӧлӧмад.

Ӧксыяслӧн 2 небӧг 19:21

Саруялӧн Авишай пиыс сэки шуис: «Шимейӧс колӧ вины, ӧд сійӧ лёкӧдліс Господьлысь мавтыштӧмасӧ».

Ӧксыяслӧн 2 небӧг 21:1

Давидлӧн ӧксыалан кадӧ куим во чӧж вӧлі тшыгъялӧм. Давид сэки шыасис Господь дінӧ. Господь шуис: «Тайӧ лои Саул да сылӧн рӧдвуж понда. Найӧ мыжаӧсь Гаваонын олысьяслысь вирсӧ кисьтӧмысь, ӧд найӧс Саул виис».

Ӧксыяслӧн 3 небӧг 2:8

Тэ тӧдан тшӧтш Бахуримысь Венямин чужанкотырысь Герлысь Шимей писӧ. Сійӧ лёкӧдіс-ёрис менӧ, кор ме вӧлі муна Маханаимӧ. Но кор ме бӧр локті, сійӧ меным воча петіс Йӧрдан ю дорын, и сэки ме Господь водзын кыв сеті сылы, мый ог ви сійӧс.

Псалтыр 3:2

Господьӧй, кутшӧма содіс дзескӧдысьяслӧн лыдыс! Унаӧн кыпӧдчӧны меным паныд,

Псалтыр 4:2

Кор ме шыася Тэ дінӧ, вочавидз меным, веськыда вӧчысь Енмӧй! Кор меным вӧлі дзескыд, Тэ восьтін меным петан туйсӧ. Кыв менсьым кевмӧмӧс, ло бур сьӧлӧма ме дінӧ.

Псалтыр 55:3

Мустӧмтысьяс быд лун кӧсйӧны бырӧдны менӧ. Медвылыссаӧй, ме вылӧ усьласьысьыс вывті уна!

Псалтыр 7:4

Господьӧй Енмӧй, вӧчлі-ӧ ме мыйкӧ лёксӧ аслам киӧн,

Шусьӧгъяс 26:2

Кыдзи пышкай жбыркнитӧ, кыдзи джыдж лэбзьӧ – тадзи нинӧм абусьыс ёрӧмыс вешйӧ тэ дінысь.

Восьтӧм 16:6

Йӧзыс кисьтісны вежа войтырлысь да пророкъяслысь вирсӧ, та вӧсна Тэ юктӧдан найӧс вирӧн, мынтысян налы уджъясныс серти.

Ёрдысьяс 9:24

Тадзи лои, медым водзӧс перйыны Авимелеклысь да сикемсаяслысь – Авимелеклысь сы вӧсна, мый сійӧ виис ассьыс вокъяссӧ, Еровааллысь сизимдас писӧ, а сикемсаяслысь сы вӧсна, мый найӧ отсалісны Авимелеклы вины сылысь вокъяссӧ.