Ӧксыяслӧн 2 небӧг 16:23 - Коми Библия 2023

²³ Сійӧ кадас Ахитофел дінӧ шыасьлісны Ен дінӧ моз, ӧд Ахитофеллӧн быд шуӧм-вӧзйӧм вӧлі Енсянь шуӧм кодь. Тадзи вӧлі Давидлы, тадзи лои тшӧтш Авессаломлы.

Ӧксыяслӧн 2 небӧг 16:23 ပူးပေါင်းရင်းမြစ်များ

Ӧксыяслӧн 2 небӧг 15:12

Вись вайӧм дырйи Авессалом тшӧктіс корны Гило карысь Ахитофелӧс, сійӧ вӧлі Давидӧс туйдӧдысь. Тадзи вынсяліс израильсаяскӧд гуся сёрнитчӧмыс, и йӧзыс Авессалом дор ӧтарӧ содіс.

Ӧксыяслӧн 2 небӧг 15:31

Давидлы юӧртісны, Ахитофел пӧ ӧтувтчӧма Авессаломкӧд. Сэки Давид пондіс кевмысьны: «Господьӧй, [Енмӧй,] вӧч сідзи, мед Ахитофеллӧн шуӧм-вӧзйӧмыс лоӧ мывкыдтӧм вӧзйӧмӧн».

Ӧксыяслӧн 2 небӧг 17:1

Ахитофел шуис Авессаломлы: «Лэдз меным босьтны аскӧд дас кык сюрс мортӧс. Талун войнас муна вӧтӧдны Давидӧс.

Ӧксыяслӧн 2 небӧг 17:14

Авессалом да Израиль войтыр шуисны, Ахитофеллӧн вӧзйӧм дорысь пӧ Аркиысь Хушайлӧн вӧзйӧмыс бурджык. Медым бырӧдны Авессаломӧс, Господь татшӧм ногӧн торкис Ахитофеллысь бур вӧзйӧмсӧ.

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Иов 5:12

Наян йӧзлысь мӧвпъяссӧ Сійӧ дзугӧ, налӧн уджъясыс оз артмыны,

Псалтыр 19:7

Ӧні ме тӧда, мый Господь мездӧ Ассьыс мавтыштӧмасӧ, вочавидзӧ сылы Аслас вежа енэжсянь, мездӧ сійӧс вына веськыд кинас.

Псалтыр 28:2

Ошкӧй Господьлысь нимсӧ, копыртчӧй Господь водзӧ Сылӧн мича вежаинын!

Еклесиаст 10:1

Кулӧм гутъяс дукӧсьтӧны чӧскыда ӧвтысь мавтас, вежӧртӧмлуныс чышкыштӧ мывкыдлунсӧ да нималӧмсӧ.

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Еремей 8:9

Мывкыдаяс яналасны, повзясны да веськаласны тывйӧ. Налӧн мывкыдлуныс абу, ӧд найӧ ӧтдортісны Господьлысь кывсӧ.

Лыд 27:21

Нав Исус кутас шыасьны Элазар поп дінӧ, а поп кутас юасьны Господьлысь урим пыр. Господьлӧн шуӧм серти войтырыскӧд сійӧ кутас петны тышӧ, и Господьлӧн шуӧм серти бӧр локны тыш вылысь».

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.

Лука 16:8

Ыджыдыс ошкыштас пӧръялысь овмӧс нуӧдысьӧс сылӧн сюсьлунысь. Тайӧ муюгыдса пияныс ас костаныс сюсьджыкӧсь югыдыслӧн пиян дорысь.

Римӧ 1:22

Асьнысӧ мывкыдаӧн шуигӧн вежӧртӧмъясӧ пӧрины.

1 Петыр 4:11

Коді висьталӧ, мед висьталӧ Енсянь. Коді кесъялӧ, мед кесъялӧ Ен вынӧн. Сэки быдторйын лоӧ ошкӧмыс Енлы Исус Кристос пыр. Сылы ошкӧмыс, Сылӧн ыджыдалӧмыс нэмъяс чӧж! Аминь.

Ӧксыяслӧн 1 небӧг 30:8

Давид шыасис Господь дінӧ да юаліс: «Вӧтчыны-ӧ меным тайӧ мырддялысь-пазӧдысьяс бӧрся? Суӧда-ӧ ме найӧс?» Господь вочавидзис: «Вӧтчы. Тэ суӧдан и мездан ассьыд йӧзтӧ».