Ӧксыяслӧн 2 небӧг 15:27 - Коми Библия 2023

²⁷ Кывзы, Садок, лӧнь сьӧлӧмӧн бӧр бергӧдчы карас. Босьт аскӧдыд Ахимаас питӧ да Авиатарӧс Ионафан пиыскӧд.

Ӧксыяслӧн 2 небӧг 15:27 ပူးပေါင်းရင်းမြစ်များ

Ӧксыяслӧн 2 небӧг 15:34

Бӧр мун Ерусалимӧ да шу Авессаломлы: ”Ӧксыӧй, [ме аддзылі тэнад войтырлысь да батьыдлысь мунӧмсӧ, но] ме – тэнад кесйӧг. [Эн ви менӧ.] Таӧдз ме кесъялі тэнад батьыдлы, а ӧні ме кута кесъявны тэныд”. Тадзи тэ, Хушай, отсалан меным, вӧчан Ахитофеллысь шуӧм-вӧзйӧмсӧ мывкыдтӧмӧн.

Ӧксыяслӧн 2 небӧг 15:36

Накӧд тшӧтш лоӧны налӧн Ахимаас да Ионафан пиянныс. На пыр ыстӧй меным юӧръяснытӧ».

Ӧксыяслӧн 2 небӧг 17:17

Ионафанлы да Ахимааслы оз позь вӧлі мыччысьны карас, та вӧсна найӧ виччысисны юӧртысьӧс Рогель ва петанін дорын. На дінӧ локтіс кесйӧг ань да ставсӧ висьталіс налы. А найӧ тайӧ юӧрнас мунісны Давид дінӧ.

Ӧксыяслӧн 2 небӧг 18:19

Садоклӧн Ахимаас пиыс шуис Йоавлы: «Муна, юӧрта ӧксылы, мый Господь Ачыс мездіс сійӧс паныд сувтысьясысь».

Ӧксыяслӧн 2 небӧг 24:11

Гад пророклы, Давидлӧн тӧдысь-аддзысьлы, вӧлі Господьсянь кыв: «Мун да юӧрт Давидлы, мый Господь тадзи висьталӧ: куим мыждӧм Ме вӧзъя тэныд. Мый бӧръян, сійӧс Ме и вӧча». Мӧд асывнас, кор Давид чеччис,

Ӧксыяслӧн 3 небӧг 1:42

Сылӧн сёрнитігкості локтіс Авиатар поплӧн Ионафан пиыс. Адоний шуис сылы: «Лок, пыр. Тэ веськыд морт, тэ ваян бур юӧръяс».

Ӧксыяслӧн 3 небӧг 4:15

Ахимаас – Неффалим муын. Гӧтырӧ сійӧ босьтіс Соломонлысь Васемата нывсӧ.

1 Каднебӧг 25:5

Ставныс найӧ – Еманлӧн пиян. Еман вӧлі ӧксылӧн тӧдысь-аддзысь. Енмыс кӧсйис кыпӧдны Еманӧс, и сетіс сылы дас нёль пиӧс да куим нылӧс.

1 Каднебӧг 6:8

Ахитувлӧн – Садок, Садоклӧн – Ахимаас,

Ӧксыяслӧн 1 небӧг 9:6

Но кесйӧг шуис: «Тайӧ карас олӧ Енлӧн морт, йӧзыс сійӧс пыдди пуктӧны. Мый сійӧ шуӧ, инӧ. Ветлам сы ордӧ, гашкӧ, сійӧ индас миянлы, кодарланьӧ мунны».

Ӧксыяслӧн 1 небӧг 9:9

«Бур, – шуис Саул, – ветлам». Сэсся найӧ мунісны сійӧ карас, кӧні оліс Енлӧн морт. Кар дінӧ матыстчигӧн найӧ паныдасисны вала мунысь нывъяскӧд. Нывъяслысь юалісны, тані-ӧ тӧдысь-аддзысьыс олӧ. Войдӧр Израильын морт кӧ кӧсйис мыйкӧ юавны Енлысь, сійӧ шуліс, ветлам пӧ тӧдысь-аддзысь дінӧ, ӧд пророкъясӧс шулісны тӧдысь-аддзысьясӧн.