Ӧксыяслӧн 2 небӧг 15:24 - Коми Библия 2023

²⁴ Накӧд тшӧтш вӧліны Садок [поп] да левитъяс, кодъяс нуисны Енлысь Йитӧд кудсӧ. Левитъяс пуктісны кудсӧ му вылӧ. Авиатар поп сулаліс мыльк вылын, кытчӧдз Давидлӧн став йӧзыс эз петны Ерусалим карысь.

Ӧксыяслӧн 2 небӧг 15:24 ပူးပေါင်းရင်းမြစ်များ

Ӧксыяслӧн 2 небӧг 15:27

Кывзы, Садок, лӧнь сьӧлӧмӧн бӧр бергӧдчы карас. Босьт аскӧдыд Ахимаас питӧ да Авиатарӧс Ионафан пиыскӧд.

Ӧксыяслӧн 2 небӧг 15:35

Садок да Авиатар попъяс лоасны тэкӧд. Висьтавлы налы ставсӧ, мый кылан ӧксы керкаын.

Ӧксыяслӧн 2 небӧг 20:25

Шевай вӧлі гижалысьӧн, Садок да Авиатар вӧліны попъясӧн.

Ӧксыяслӧн 2 небӧг 6:13

Господьлысь кудсӧ нуысьяслӧн квайт воськов бӧрын Давид вайис вись пыдди ӧшкӧс да тшӧгӧдӧм куканьӧс.

Ӧксыяслӧн 2 небӧг 8:17

Ахитувлӧн Садок пиыс да Авиатарлӧн Ахимелек пиыс вӧліны попъясӧн, Серай вӧлі гижалысьӧн.

Ӧксыяслӧн 3 небӧг 1:8

Но Садок поп, Иодайлӧн Бенай пиыс, Нафан пророк, Шимей, Рей да Давидлӧн вына тышкасьысьяс эз вӧвны Адоний дор.

Ӧксыяслӧн 3 небӧг 2:26

Авиатар поплы ӧксы шуис: «Мун бӧр Анатотӧ да вӧдит ассьыд видз-мутӧ. Тэнӧ эськӧ тшӧтш колӧ вины, но ме коля тэнӧ ловйӧн, ӧд тэ новлӧдлін Господь Ыджыдлысь кудсӧ менам Давид бать водзын да сыкӧд тшӧтш мунін сьӧкыдлунъяс пыр».

Ӧксыяслӧн 3 небӧг 2:35

Йоав пыдди тышкайӧзӧн веськӧдлыны Соломон пуктіс Бенайӧс, [ачыс Соломон сэки ӧксыаліс Ерусалимын,] а Авиатар поп пыдди ӧксы пуктіс [аркирейӧ] Садокӧс. [Господь сетіс Соломонлы ыджыд мывкыдлун, сюсь вежӧр да уна тӧдӧмлун, сылӧн тӧдӧмлуныс вӧлі саридздор лыа мында. Соломонлӧн мывкыдлуныс вӧлі ёна ыджыдджык важ олысьяслӧн да Египетын олысь мывкыда йӧзлӧн дорысь. Соломон босьтіс гӧтырӧ фараонлысь нывсӧ да вайӧдіс сійӧс Давид карӧ. Сэні гӧтырыс оліс, кытчӧдз Соломон эз лэпты аслыс керка. Но медводз сійӧ лэптіс Господьлы крам да Ерусалим гӧгӧр стен. Соломон вӧчис крамсӧ сизим во чӧж. Соломонлӧн вӧлі сизимдас сюрс морт, кодъяс кыскалісны-ваялісны изъяс, и кӧкъямысдас сюрс морт, кодъяс кералісны-перйисны изсӧ изкыртаысь. Соломон вӧчӧдіс вайӧртӧд да сы улын сулалысь пыкӧдъяс, вӧчӧдіс ыджыд мыссян дозъяс да сюръяяс, крам йӧрас вӧчӧдіс ва петанін да ыргӧнысь вайӧртӧд. Соломон вӧчӧдіс изкар да сы гӧгӧр стен, юкис Давид карсӧ кык пельӧ. Фараонлӧн нылыс вуджис Давид карысь аслас керкаӧ, кодӧс Соломон лэптіс сылы. Кар гӧгӧрыс Соломон кыпӧдіс стен. Куимысь вонас Соломон вайліс сотан да бурасян висьяс висьпуктанін вылын, кодӧс сійӧ лэптіс Господьлы, и сэні Господь водзын тшынӧдчис. Соломон помаліс керка лэптӧмсӧ. Сылӧн вӧлі куим сюрс квайтсё морт, кодъяс видзӧдісны уджалысьяс бӧрся. Господьлысь крамсӧ лэптӧм бӧрын да Ерусалим кар гӧгӧр стен кыпӧдӧм бӧрын Соломон нӧшта кыпӧдіс Ассур, Магдон, Гезер, Вылыс Бет-Хорон да Баалат каръяс. Ловъя дырйиыс на Давид шуліс Соломонлы: «Тэ тӧдан Бахуримысь Венямин чужанкотырысь Герлысь Шимей писӧ. Сійӧ быд ногыс лёкӧдіс менӧ, кор ме вӧлі муна Маханаимӧ. Но кор ме бӧр локті, сійӧ меным воча петіс Йӧрдан ю дорын, и сэки ме Господь водзын кыв сеті сылы, мый ог ви сійӧс. А тэ эн коль сійӧс мыждытӧг. Тэ мывкыд морт, и ачыд тӧдан, мый сыкӧд вӧчны, медым пӧрысь кадас сійӧ вуджас кулӧмаяс дінӧ сылысь вирсӧ кисьтӧм бӧрын».]

1 Каднебӧг 15:2

Давид шуис, мый Енлысь кудсӧ вермасны новлӧдлыны сӧмын левитъяс, ӧд Господь бӧрйис найӧс пыр кежлӧ, медым найӧ новлӧдлісны Господьлысь кудсӧ да кесъялісны Господьлы.

Езекиль 48:11

Тайӧ муыс лоӧ Садок рӧдысь вежа попъяслы, кодъяс дугдывтӧг кесъялісны Меным да эз кежны Меысь левитъяс моз, кор Израиль войтыр кежис Меысь.

Лыд 4:15

Израиль войтырлӧн туйӧ петтӧдзыс Аарон пияныскӧд мед вевттяласны став вежа дозмук-кӧлуйсӧ. Сӧмын та бӧрын вермасны матыстчыны Кааф пиян, медым нуны вежа дозмук-кӧлуйсӧ. Найӧ кӧ инмӧдчасны вевттьытӧм вежа дозмук-кӧлуй дінӧ, куласны. Вежа чомйын кесъялан дозмук-кӧлуйсӧ колӧ новлӧдлыны Кааф пиянлы.

Лыд 7:9

Кааф пиянлы тарантасъяссӧ да ӧшъяссӧ эз сет, ӧд налы колӧ вӧлі новлӧдлыны вежа дозмук-кӧлуйсӧ асланыс пельпом вылын.

Нав Исус 3:3

да тшӧктісны: «Кор аддзанныд, мый поп-левитъяс кутасны нуны тіян Господь Енлысь Йитӧд кудсӧ, сэки ті куд бӧрсяыс тшӧтш мӧдӧдчӧй.

Нав Исус 3:6

А попъяслы шуис: «Босьтӧй [Господьлысь] Йитӧд кудсӧ да мунӧй войтырыс водзвылын». Попъяс босьтісны [Господьлысь] Йитӧд кудсӧ да мунісны войтырыс водзвылын.

Нав Исус 6:4

Кор ті кыланныд буксан шы, став войтырыс мед гораа горӧдас. Сэки карса стенмыс подулӧдзыс киссяс. Быдӧн мед [уськӧдчӧмӧн] пырас карас сэтысянь, кӧні сулалӧ».

Нав Исус 6:6

Сэсся Исус шуис [попъяслы, медым найӧ висьталасны] войтырыслы: «Мунӧй да кытшовтӧй кар гӧгӧрыс. Шыпуртаяс мед мунасны Господьлӧн куд водзвылас».

Ӧксыяслӧн 1 небӧг 22:20

Ловйӧн коли сӧмын Авиатар, Ахитув Ахимелеклӧн пиыс. Сійӧ пышйис Давид дінӧ.

Ӧксыяслӧн 1 небӧг 4:11

Филистимсаяс мырддисны Енлысь кудсӧ, а Илийлысь Офни да Пинес пиянсӧ виисны.