Ӧксыяслӧн 2 небӧг 15:23 - Коми Библия 2023

²³ Ерусалимын кольӧм йӧзыс видзӧдісны мунысьяс вылӧ да ырзӧмӧн бӧрдісны. Давид аслас йӧзкӧд вуджисны Кедрон ковтыс, сэсся мӧдӧдчисны овтӧминлань.

Ӧксыяслӧн 2 небӧг 15:23 ပူးပေါင်းရင်းမြစ်များ

Ӧксыяслӧн 2 небӧг 15:22

Сэки ӧксы шуис Иттайлы: «Сідзкӧ, лок мунам мекӧд». Тадзи Иттай аслас гефса йӧзкӧд став челядьнаныс мунісны Давидкӧд.

Ӧксыяслӧн 2 небӧг 15:28

Ме кута виччысьны тіянсянь юӧр овтӧминын, Йӧрдан ю вуджанін дорын».

Ӧксыяслӧн 2 небӧг 16:2

Ӧксы юаліс Сивейлысь: «Кытчӧ тэ нуан ставсӧ тайӧс?» Мӧдыс вочавидзис: «Осёлъяссӧ вая тэнад гортсаяслы, мед ветласны на вылын, няньсӧ да косьтӧм вотӧссӧ – тэнад тышкайӧзлы пӧткӧдчыны, а винасӧ – овтӧминын эбӧстӧмъясыдлы горшнысӧ веськӧдны».

Ӧксыяслӧн 3 небӧг 15:13

Аслас Маака пӧчыслы Аса эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ да сотіс сійӧс Кедрон ковтысын.

Ӧксыяслӧн 3 небӧг 2:37

Тӧд, тэ кӧ петан Ерусалимысь да вуджан Кедрон ковтыс сайӧ, тэнӧ виасны. Аслад кулӧмысь ачыд лоан мыжа».

2 Каднебӧг 29:16

Попъяс пырисны Господьлӧн крам пытшкӧ, медым весавны-сӧстӧммӧдны сійӧс. Став пежсӧ, мый аддзисны Господьлӧн крамысь, найӧ петкӧдісны йӧрас. А левитъяс нуисны ставсӧ Кедрон ковтысӧ.

Еремей 31:40

Став ковтысыс, кытчӧ гуалӧма морт шойяс да шыблалӧма сотӧм висьяслысь пӧимсӧ, тшӧтш асыввылын став видз-муыс Кедрон ковтысӧдз да Вӧв дзиръя пельӧсӧдз лоӧны Господьлӧн вежа карӧн. Тайӧ карсӧ сэсся некор оз ло пазӧдӧма-бырӧдӧма.

Матвей 3:1

Сійӧ кадас локтіс Пыртысь Иоан. Иудея овтӧминын сійӧ юӧрталіс:

Матвей 3:3

Иоан йылысь Исай пророк висьталӧма тадзи: – Овтӧминын кылӧ горзысьлӧн шы: «Лӧсьӧдӧй туй Господьлы, веськӧдӧй-шыльӧдӧй ордымъяс Сылы!»

Лука 1:80

Кага быдмис да ловнас вынсяліс. Израильлы аслас петкӧдчан лунӧдз сійӧ оліс овтӧминын.

Иоан 18:1

Тайӧс шуӧм бӧрын Исус муніс велӧдчысьясыскӧд Кедрон ковтыс сайӧ да пырис накӧд сад йӧрӧ.

Римӧ 12:15

Нимкодясьысьяскӧд нимкодясьӧй, бӧрдысьяскӧд бӧрдӧй.