Ӧксыяслӧн 2 небӧг 15:18 - Коми Библия 2023

¹⁸ Ӧксы водзвывті восьлалӧмӧн мунісны сылӧн кесйӧгъясыс, тшӧтш керетсаяс да пелетсаяс да нӧшта квайтсё морт, кодъяс коркӧ локтісны сыкӧд Гефысь.

Ӧксыяслӧн 2 небӧг 15:18 ပူးပေါင်းရင်းမြစ်များ

Ӧксыяслӧн 2 небӧг 15:17

Ӧксы да став сылӧн йӧзыс подӧн петісны карсьыныс. Туяныс сувтыштлісны Бет-Мерхакӧ.

Ӧксыяслӧн 2 небӧг 18:2

Сэсся мӧдӧдіс став тышкайӧзсӧ куим пельӧ юкӧмӧн. Ӧти чукӧрнас веськӧдліс Йоав, мӧд чукӧрнас – Йоавлӧн вокыс, Саруялӧн Авишай пиыс, коймӧд чукӧрнас – Гефысь Иттай. Ӧксы шуис тышкайӧзлы: «Ме тшӧтш тіянкӧд муна».

Ӧксыяслӧн 2 небӧг 20:23

Йоав веськӧдліс став израильса тышкайӧзӧн, а Иодайлӧн Бенай пиыс веськӧдліс ӧксыӧс видзысь керетса да пелетса шыпуртаясӧн.

Ӧксыяслӧн 2 небӧг 20:7

Медым вӧтӧдны Бикрилысь Шевей писӧ, Ерусалимысь Авишайкӧд петісны Йоавлӧн йӧзыс, нӧшта керетсаяс, пелетсаяс да мукӧд тышкайӧз.

Ӧксыяслӧн 2 небӧг 6:10

Та вӧсна Давид эз босьт Господьлысь кудсӧ ас дінас, Давид карӧ, а мӧдӧдіс сійӧс гефса Овед-Эдом керкаӧ.

Ӧксыяслӧн 2 небӧг 8:18

Иодайлӧн Бенай пиыс веськӧдліс ӧксыӧс видзысь керетса да пелетса шыпуртаясӧн. Давид ӧксылӧн пияныс отсасисны сылы юралӧмын.

Ӧксыяслӧн 3 небӧг 1:38

Садок поп, Нафан пророк, Иодайлӧн Бенай пиыс и ӧксыӧс видзысь керетсаяс да пелетсаяс мунісны, пуксьӧдісны Соломонӧс Давид ӧксылӧн мул вылӧ да нуӧдісны Гихон ва петанін дорӧ.

1 Каднебӧг 18:17

Иодайлӧн Бенай пиыс веськӧдліс ӧксыӧс видзысь керетса да пелетса шыпуртаясӧн. Давид ӧксылӧн ыджыдджык пияныс отсасисны сылы юралӧмын.

Ӧксыяслӧн 1 небӧг 23:13

Сэки Давид да сылӧн йӧзыс, морт квайтсё, пышйисны Кейла карысь. Найӧ пышъялісны-ветлӧдлісны ӧти местасянь мӧдлаӧ. Кор Сауллы юӧртісны, мый Давид пышйӧма Кейлаысь, сійӧ эновтчис сэтчӧ мунӧмсьыс.

Ӧксыяслӧн 1 небӧг 25:13

Давид шуис аслас йӧзлы: «Босьтӧй шыпуртнытӧ!» Давидкӧд тшӧтш ставныс ӧшӧдісны косканыс шыпуртъяс. Нёльсё гӧгӧр морт мунісны Давидкӧд, кыксёыс кольччисны видзны эмбур-кӧлуйнысӧ.

Ӧксыяслӧн 1 небӧг 27:3

Давид аслас кыкнан гӧтырыскӧд, Изреельысь Ахиноамакӧд да Кармилысь Авигеякӧд, Наваллӧн вӧвлӧм гӧтыркӧд, овмӧдчис Гефӧ. Давидкӧд локтӧм йӧзыс асланыс став котырнас тшӧтш овмӧдчисны сэтчӧ.

Ӧксыяслӧн 1 небӧг 27:4

Сауллы юӧртісны, Давид пӧ пышйӧма Гефӧ. Сэки Саул дугдіс вӧтлысьны Давид бӧрся.

Ӧксыяслӧн 1 небӧг 30:1

Куим лун чӧж Давид аслас йӧзкӧд воӧдчис Сиклагӧ. Сэккості амаликъяс уськӧдчисны Негев му да Сиклаг кар вылӧ. Сиклаг карсӧ найӧ пасьвартісны да сотісны.

Ӧксыяслӧн 1 небӧг 30:14

Ми уськӧдчылім керетсаяслӧн, Иуда войтырлӧн да Калев рӧдлӧн Негев му вылӧ, а Сиклаг кар ми сотім биӧн».

Ӧксыяслӧн 1 небӧг 30:9

Давид босьтіс аскӧдыс квайтсё мортӧс да мӧдӧдчис. Кор воисны Восор ю дорӧ, мудзӧмаяс сувтісны.