Ӧксыяслӧн 2 небӧг 14:7 - Коми Библия 2023

⁷ Та бӧрын став рӧдвужӧй сувтіс меным паныд. Найӧ шуалісны, сет пӧ миянлы питӧ, ассьыс воксӧ виысьӧс. Ми пӧ виам сійӧс вокыс вӧсна, мед сылы батьыслӧн овмӧсыс оз вудж. Ӧксыӧй, найӧ кӧсйӧны кусӧдны менсьым бӧръя бикиньсӧ, мед бырӧдны верӧслысь нимсӧ да сысянь чужысьӧс».

Ӧксыяслӧн 2 небӧг 14:7 ပူးပေါင်းရင်းမြစ်များ

Олӧм 27:45

кытчӧдз сійӧ оз дугды скӧравны тэ вылӧ да оз вунӧд, мый тэ вӧчин сылы. Сэсся ме бӧр кора тэнӧ сэтысь. Мыйла меным кыкнаннытӧ воштыны ӧти лунӧ!»

Олӧм 4:14

Ӧні Тэ вӧтлан менӧ тайӧ мусьыс. Тэ вештан менӧ Аслад чужӧмбан водзысь, ме кута шӧйтны-ветлӧдлыны му вывті. И коді паныдасяс мекӧд, виас менӧ».

Ӧксыяслӧн 2 небӧг 12:17

Сы дінӧ локтісны сылӧн керкаӧн веськӧдлысьяс, мед лэптыны сійӧс му вывсьыс. Но Давид пыксис, эз кӧсйы чеччыны да сёйны-юны накӧд.

Ӧксыяслӧн 2 небӧг 14:6

Менам, тэнад кесйӧглӧн, коли кык пи. Ӧтчыдысь видз вылын найӧ тышӧ воисны. Торйӧдысьыс некод эз вӧв, сэки ӧтиыс кучкис мӧдсӧ да виис.

Ӧксыяслӧн 2 небӧг 14:8

Ӧксы шуис аньлы: «Мун гортад. Ме тшӧкта тӧждысьны тэ вӧсна».

Лыд 35:19

Вир кисьтӧм вӧсна водзӧс перйысь вермас вины морт виысьӧс сыкӧд паныдасигӧн.

Матвей 21:38

Писӧ аддзӧм бӧрын виноград быдтысьяс шуасны ӧта-мӧдныслы: ”Тайӧ мортыслы вуджас овмӧсыс. Мунам да виам сійӧс, медым овмӧсыс миянлы коляс”.

Индӧд 25:6

Медводдза писӧ, кодӧс тайӧ гӧтырыс чужтас, мед лыддясны кулӧм воклӧн пиӧн, медым сылӧн нимыс эз быр Израиль войтыр пӧвстысь.