Ӧксыяслӧн 2 небӧг 14:6 - Коми Библия 2023

⁶ Менам, тэнад кесйӧглӧн, коли кык пи. Ӧтчыдысь видз вылын найӧ тышӧ воисны. Торйӧдысьыс некод эз вӧв, сэки ӧтиыс кучкис мӧдсӧ да виис.

Ӧксыяслӧн 2 небӧг 14:6 ပူးပေါင်းရင်းမြစ်များ

Олӧм 4:8

Каин корис Авель воксӧ аскӧдыс ыб вылӧ. И кор найӧ вӧліны сэні, Каин уськӧдчис Авель вокыс вылӧ да виис сійӧс.

Ӧксыяслӧн 2 небӧг 13:28

Аслас кесйӧгъяслы Авессалом шуис: «Видзӧдӧй Амнон бӧрся, и кор сійӧ коддзас, ме тшӧкта тіянлы вины сійӧс. Энӧ полӧй, ӧд тайӧ менам тшӧктӧм. Лоӧй повтӧмӧсь да зумыдӧсь!»

Ӧксыяслӧн 2 небӧг 13:29

Кесйӧгъяс вӧчисны Авессаломлӧн тшӧктӧм серти. Сэки ӧксылӧн пиян быдӧн сӧліс аслас мул вылӧ да пышйис.

Ӧксыяслӧн 2 небӧг 14:5

«Кутшӧм мог суис тэнӧ?» – юаліс ӧксы. Мӧдыс висьталіс: «Ме [важӧн нин] дӧва, верӧсӧй кувліс.

Ӧксыяслӧн 2 небӧг 14:7

Та бӧрын став рӧдвужӧй сувтіс меным паныд. Найӧ шуалісны, сет пӧ миянлы питӧ, ассьыс воксӧ виысьӧс. Ми пӧ виам сійӧс вокыс вӧсна, мед сылы батьыслӧн овмӧсыс оз вудж. Ӧксыӧй, найӧ кӧсйӧны кусӧдны менсьым бӧръя бикиньсӧ, мед бырӧдны верӧслысь нимсӧ да сысянь чужысьӧс».

Петӧм 2:13

Мӧд луннас Мӧисей бара локтіс еврей вокъяс дінӧ да аддзис, кыдзи кык еврей тышкасьӧны ӧта-мӧдыскӧд. Тышсӧ панысьлы Мӧисей шуис: «Мыйла тэ нӧйтан ассьыд матыссатӧ?»