Ӧксыяслӧн 2 небӧг 14:25 - Коми Библия 2023

²⁵ Израиль му пасьтала эз вӧв Авессаломысь мичаджыкыс да ошканаыс. Юр вывсяньыс да кок пыдӧсӧдзыс сылӧн ставыс вӧлі тыр-бур.

Ӧксыяслӧн 2 небӧг 14:25 ပူးပေါင်းရင်းမြစ်များ

Ӧксыяслӧн 3 небӧг 1:6

Давид некор эз шуасьлы Адоний пиыс вылӧ да эз ӧлӧдлыв сійӧс. Адоний вӧлі зэв мича, Давидлӧн сійӧ чужис Авессалом бӧрся.

Иов 2:7

Сӧтана муніс Господь водзысь да чорыда дойдіс Иовӧс висьӧмӧн. Сылӧн юр пыдӧссяньыс кок чунь йылӧдзыс петалісны орзьӧм мыльяс.

Шусьӧгъяс 31:30

Авъялуныд ылӧдлӧ, мичлуныд бырӧ, а Господьысь полысь гӧтырыд ошкана лоӧ.

Исай 1:6

Юрсянь кок пыдӧсӧдзныд абу дзониныс: гӧгӧр дой, лӧзӧдӧм да орзьӧм. Найӧс абу весалӧма, абу кӧрталӧма, абу мавтӧма выйӧн.

Езекиль 23:15

пашкыр юркӧртӧдаӧсь да вӧняӧсь. Найӧ вӧліны тышкайӧзӧн веськӧдлысьяс кодьӧсь, Калдея муын чужӧм вавилонсаяс.

Даниил 1:4

кодъяс чужӧмнас мичаӧсь да вир-яйнас тырвыйӧ бурӧсь, ыджыд мывкыдаӧсь, сюсь вежӧраӧсь да кужӧны пырӧдчыны быдпӧлӧс тӧдӧмлунӧ, медым кесъявны ӧксы керкаын. Ӧксы тшӧктіс велӧдны найӧс лыддьысьны да сёрнитны калдеяса кыв вылын,

Матвей 23:27

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті еджыдӧн мавтӧм гортъяс кодьӧсь. Ортсысяньыс сійӧ мича, а пытшкӧсас тырыс шой лы да быд пежыс.

Ефесӧ 5:27

медым сувтӧдны сійӧс Ас водзас быд боксянь мичаӧн: вежаӧн, сӧстӧмӧн, медым сылӧн эз вӧв некутшӧм няйттор, чукыр да тырмытӧмтор.

Индӧд 28:35

Орзьӧм мыльяс петаласны пидзӧс да кокчӧр выланыд, юр пыдӧссяньныд кок чунь йылӧдзныд ті мылльӧссянныд. Татшӧм висьӧмӧн Господь дойдас тіянӧс, и ті онӧ бурдӧй.

Ӧксыяслӧн 1 небӧг 16:7

Но Господь шуис Самуиллы: «Эн видзӧд сылӧн мичлун вылӧ да сылӧн кузь туша вылӧ. Ме сійӧс эг бӧрйы. Ме ог видзӧд морт моз. Ӧд морт видзӧдӧ чужӧм вылӧ, а Господь видзӧдӧ сьӧлӧмӧ».

Ӧксыяслӧн 1 небӧг 9:2

Кислӧн вӧлі Саул нима пи – том да синмӧ шыбитчана зон. Израильса зонъяс пиысь сійӧ вӧлі медся мича, став йӧзсьыс юрӧн ыджыд.