Ӧксыяслӧн 2 небӧг 14:20 - Коми Библия 2023

²⁰ Сійӧ вӧчис тадзи, мед мӧдар боксянь петкӧдлыны тэныд тайӧ лоӧмторсӧ. Но тэ, ыджыдӧй, Енлӧн андел кодь ыджыд мывкыдлуна. Тӧдан ставсӧ, мый вӧчсьӧ тайӧ муас».

Ӧксыяслӧн 2 небӧг 14:20 ပူးပေါင်းရင်းမြစ်များ

Олӧм 3:5

Но Ен тӧдӧ: сійӧ лунӧ, кор сёянныд вотӧссӧ, воссяс тіян синныд. Ті лоанныд Ен кодьӧн, кутанныд тӧдны бурсӧ и лёксӧ».

Ӧксыяслӧн 2 небӧг 14:17

Ме, тэнад кесйӧг, аслым шуи: ”Мед ӧксылӧн, менам ыджыдлӧн, шуӧмыс бурӧдас-лӧньӧдас менӧ. Ӧд менам ӧксыӧй-ыджыдӧй Енлӧн андел кодь, кужӧ торйӧдны бурсӧ лёксьыс”. Ӧксыӧй, мед Господь, тэнад Енмыд, лоӧ тэкӧд!»

Ӧксыяслӧн 2 небӧг 18:13

Ме кӧ вӧчи мӧд ногӧн, сэки эськӧ ассьым олӧмӧс вошті. Ӧд ӧксыысь нинӧм он дзеб, и тэ эськӧ тшӧтш сувтін меным паныд».

Ӧксыяслӧн 2 небӧг 19:27

Но кесйӧгӧй лёкӧдіс менӧ тэ водзын. Тэ, ӧксыӧй-ыджыдӧй, Енлӧн андел кодь. Вӧч, мый кӧсъян.

Ӧксыяслӧн 2 небӧг 19:28

Ӧксыӧй-ыджыдӧй, тэ ӧд вермин бырӧдны менам батьлысь рӧдсӧ, но тэ лэдзин меным, аслад кесйӧглы, сёйны тэнад пызан сайын. Меным нинӧмысь элясьнысӧ тэ вылӧ, ӧксыӧй».

Ӧксыяслӧн 2 небӧг 5:23

Давид шыасис Господь дінӧ. [Шуис: «Петны-ӧ меным филистимсаяслы паныд тышӧ? Сетан-ӧ найӧс менам киӧ?»] Господь шуис: «Воча налы эн пет. Кытшав найӧс бӧрсяньныс да матыстчы на дінӧ пуяс сайсянь.

Шусьӧгъяс 26:28

Ылӧдчысь мустӧмтӧ мортӧс, кодӧс дойдаліс, леститчан кывйыд бырӧдӧм дасьтӧ.

Шусьӧгъяс 29:5

Коді леститчӧ матыссаыс водзын, тыв зэвтӧ сылӧн коклы.

Ӧксыяслӧн 1 небӧг 29:9

Акиш вочавидзис: «Тӧд, тэ меным Енлӧн андел кодь бур. Но филистимса юралысьяс шуисны, мый тэныд оз позь миянкӧд ӧтвыв петны тышӧ.