Ӧксыяслӧн 2 небӧг 14:19 - Коми Библия 2023

¹⁹ «Эз-ӧ Йоав мӧдӧд тэнӧ?» – юаліс ӧксы. Ань вочавидзис: «Ӧксыӧй-ыджыдӧй, тэ водзын кыв сетӧмӧн шуа: тайӧ тадз. Тэнад Йоав кесйӧгыд тшӧктіс меным висьтавны ставсӧ тайӧс.

Ӧксыяслӧн 2 небӧг 14:19 ပူးပေါင်းရင်းမြစ်များ

Ӧксыяслӧн 2 небӧг 11:11

Урий вочавидзис: «Енлӧн кудйыс, Израильлӧн да Иудалӧн тышкайӧзыс олӧны чомъясын, и менам Йоав ыджыдӧй да сылӧн йӧзыс узьлӧны ывлаын. Ме ӧмӧй верма мунны гортӧ, сёйны-юны да гӧтыркӧд узьны? Тэ водзын кыв сета: ме тадзи ог вӧч».

Ӧксыяслӧн 2 небӧг 14:18

Ӧксы воча шуис аньлы: «Эн дзеб меысь, ме кӧ мыйкӧ юала тэнсьыд». «Юав, ӧксыӧй-ыджыдӧй», – шуис ань.

Ӧксыяслӧн 2 небӧг 14:3

Мун ӧксы дінӧ да висьтав сылы, мый ме тэныд тшӧкта». Йоав велӧдіс аньӧс, мый шуны ӧксылы.

Ӧксыяслӧн 2 небӧг 18:13

Ме кӧ вӧчи мӧд ногӧн, сэки эськӧ ассьым олӧмӧс вошті. Ӧд ӧксыысь нинӧм он дзеб, и тэ эськӧ тшӧтш сувтін меным паныд».

Ӧксыяслӧн 2 небӧг 3:27

Хевронӧ воӧм бӧрын карса дзиръя дорын Йоав нуӧдіс Авенирӧс бокӧ, быттьӧ кӧсйӧ гусьӧн сёрнитыштны сыкӧд. Сэні виис Авенирӧс, бытшкис сылы кынӧмас. Тадзи водзӧс перйис аслас Асаил вок вӧсна.

Ӧксыяслӧн 2 небӧг 3:29

Мыжыс мед кольӧ Йоав да став сылӧн рӧд вылӧ! Йоав рӧдысь мед оз бырлыны лёквиялӧмӧн висьысь айулов, проказаӧн висьысьяс, беддьӧн ветлӧдлысьяс, шыпурт улӧ шедысьяс да нянь абутӧмла тшыгъялысьяс».

Ӧксыяслӧн 2 небӧг 3:34

Тэнсьыд китӧ абу вӧлі кӧрталӧма, тэнсьыд коктӧ абу вӧлі дорӧма. Тэ кулін лёк вӧчысьяс киӧ шедӧм морт моз. Войтырыс нӧшта ёнджыка на кутіс бӧрдны.

Ӧксыяслӧн 4 небӧг 2:2

Илля шуис Елисейлы: «Тэ кольччы татчӧ, а менӧ Господь тшӧктӧ мунны Вефильӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ ӧтлаын мунісны Вефильӧ.

Петӧм 4:15

Тэ висьтав сылы Менсьым кывъясӧс, пукті вомас, мый шуны. Ме лоа тіянкӧд, кор ті кутанныд сёрнитны, да велӧда, мый колӧ вӧчны.

Шусьӧгъяс 25:2

Ошкӧм Енлы, коді гусяторсӧ дзебӧ, ошкӧм ӧксылы, коді гусяторсӧ тӧдмалӧ.

Шусьӧгъяс 4:27

Веськыдвылӧ ни шуйгавылӧ эн кеж, кокыд мед лоӧ ылын лёксьыс.

Лыд 20:17

Лэдз миянӧс мунны тэнад муӧд. Ми огӧ талялӧй видз-муястӧ да виноград йӧръястӧ, огӧ юӧй юкмӧсъясысь ватӧ. Ми мунам Ӧксыяслӧн туйӧд, огӧ кежӧй сэтысь веськыдвылӧ ни шуйгавылӧ, кытчӧдз огӧ петӧй тэнад муысь».

Лука 21:15

Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.

Индӧд 28:14

да онӧ кӧ кежӧй веськыдвылӧ ни шуйгавылӧ тайӧ тшӧктӧмъяссьыс, мый талун висьтала тіянлы. Энӧ юрбитӧй-кесъялӧй мукӧд енъяслы».

Индӧд 5:32

Видзчысьӧй, ставсӧ вӧчӧй сідзи, кыдзи тшӧктӧ Господь, тіян Енныд. Энӧ кежӧй веськыдвылӧ ни шуйгавылӧ.

Нав Исус 1:7

Ло зумыд да повтӧм! Ов став Индӧдыс серти, кыдзи тшӧктіс тэныд Мӧисей, Менам кесйӧгӧй. Эн кеж Индӧдысь веськыдвылӧ ни шуйгавылӧ. Сэки тэнад ставыс артмас.

Ӧксыяслӧн 1 небӧг 1:26

Анна шуис: «Ыджыдӧй, ме кыв сета тэ водзын, мый ме дзик сійӧ аньыс, коді коркӧ сулаліс тані тэ водзын да кевмысис Господьлы.

Ӧксыяслӧн 1 небӧг 17:55

Кор Давид петіс филистимсалы паныд, Саул юаліс тышкайӧзӧн веськӧдлысьыслысь: «Авенир, тайӧ том зонкаыс кодлӧн пиыс?» Авенир вочавидзис: «Ӧксыӧй, ме збыльысь ог тӧд».

Ӧксыяслӧн 1 небӧг 20:3

Давид эскӧдӧмӧн шуаліс: «Тэнад батьыд бура тӧдӧ, мый ме тэныд муса. Сійӧ оз висьтав тэныд ассьыс мӧвпыштӧмсӧ, мед тэ эн шогсьы. Но ловъя Господь водзын да тэ водзын шуа: кулӧмӧдзыс меным ӧти воськов».

Ӧксыяслӧн 1 небӧг 25:26

Ловъя Господь водзын да тэ водзын, ыджыдӧй, шуа, мый Господь оз лэдз тэныд вир кисьтны да водзӧс перйыны. Ыджыдӧй, тэнӧ мустӧмтысьяскӧд да лёксӧ вӧчысьяскӧд мед лоас сійӧ жӧ, мый виччысьӧ Навалӧс.