Ӧксыяслӧн 2 небӧг 13:28 - Коми Библия 2023

²⁸ Аслас кесйӧгъяслы Авессалом шуис: «Видзӧдӧй Амнон бӧрся, и кор сійӧ коддзас, ме тшӧкта тіянлы вины сійӧс. Энӧ полӧй, ӧд тайӧ менам тшӧктӧм. Лоӧй повтӧмӧсь да зумыдӧсь!»

Ӧксыяслӧн 2 небӧг 13:28 ပူးပေါင်းရင်းမြစ်များ

Олӧм 9:21

Ӧтчыд сійӧ вина юӧм бӧрас коддзис да пасьтӧгыс куйліс аслас чомйын.

Ӧксыяслӧн 2 небӧг 11:13

Давид корис Урийӧс ас дінас, вердіс сійӧс да чорыда юкталіс. Но рытнас Урий эз мун гортас, а бара на узьмӧдчис ӧксылӧн кесйӧгъяс дінӧ.

Ӧксыяслӧн 2 небӧг 11:15

кӧні вӧлі гижӧма: «Мӧдӧд Урийӧс медся чорыд тышас. Асьныд вешйӧй сы дінысь, мед сійӧс виасны».

Ӧксыяслӧн 2 небӧг 12:10

Менӧ нинӧмӧ пуктӧм вӧсна да хеттей Урийлысь гӧтырсӧ аслыд гӧтырӧ босьтӧм вӧсна тэнад керка весьтын пыр кутас ӧшавны ёсь шыпурт”.

Ӧксыяслӧн 2 небӧг 13:27

Но мӧдыс корӧмӧн-корис. Сэки ӧксы ыстіс Амнонӧс да ассьыс мукӧд пиянсӧ Авессаломкӧд. [Авессалом лӧсьӧдіс ӧксылы кодь ыджыд гаж.]

Ӧксыяслӧн 2 небӧг 14:6

Менам, тэнад кесйӧглӧн, коли кык пи. Ӧтчыдысь видз вылын найӧ тышӧ воисны. Торйӧдысьыс некод эз вӧв, сэки ӧтиыс кучкис мӧдсӧ да виис.

Ӧксыяслӧн 3 небӧг 20:16

Луншӧр кадӧ Ахавлӧн тышкайӧзыс петісны тышӧ. А Бен-Хадад да сылӧн киподувса комын кык ӧксы коддзытӧдзныс юисны-гажӧдчисны чомъясын.

Эсфир 1:10

Сизимӧд луннас винаысь гажмӧм Артаксеркс ӧксы корис ас дінас ассьыс сизим кесъялысь евнукӧс: Мехуманӧс, Биззетӧс, Харвонӧс, Бигтайӧс, Авагтайӧс, Зетарӧс да Каркасӧс.

Псалтыр 104:15

«Энӧ вӧрӧдӧй Менсьым мавтыштӧмаясӧс, Менам пророкъяслы энӧ вӧчӧй лёксӧ».

Петӧм 1:18

Египетса ӧксы корис гӧгиньясӧс да юаліс налысь: «Мыйла ті ловйӧн колянныд пи кагаяссӧ?»

Еклесиаст 10:19

Гажтӧ вӧчӧны нимкодясьӧм могысь, и винаыд олӧмтӧ гажӧдӧ, но ставсьыс мынтысьӧ сьӧм.

Еклесиаст 9:7

Та вӧсна нимкодясьӧмӧн сёй няньтӧ, долыд сьӧлӧмӧн ю винатӧ, ӧд тайӧс Енмыс сетӧма тэныд.

Даниил 5:30

Сійӧ жӧ войнас калдеяса Валтасар ӧксыӧс виисны,

Наум 1:10

Найӧ коддзӧм морт кодьӧсь, дзугсьӧмаӧсь бытшкасьысь турун пӧвстӧ, найӧ сотчасны кос идзас моз.

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

Ап. уджъяс 5:29

Петыр да мукӧд апостолъяс вочавидзисны: «Мортыслы ёнджыка колӧ кывзыны Енмӧс, а оз мортӧс.

Нав Исус 1:9

Ме тшӧкта тэныд: ло зумыд да повтӧм! Эн тірав да эн пов, ӧд Господь, тэнад Енмыд, лоӧ тэкӧд быдлаын, кытчӧ тэ мунан».

Ёрдысьяс 19:22

Кор найӧ гажаа коллялісны кадсӧ, шогмытӧм йӧз кытшалісны пӧрысь мортлысь керкасӧ. Найӧ игӧдчисны ӧдзӧсас да шуисны пӧрысь мортлы, керка кутысьлы: «Петкӧд татчӧ тэ ордӧ локтысьӧс! Ми кӧсъям узьны сыкӧд».

Ёрдысьяс 19:6

Найӧ кыкӧн пуксисны да сёйисны-юисны. Гӧтырыслӧн батьыс шуис левитлы: «Кольччы нӧшта ӧти вой кежлӧ, бурпӧт олышт на».

Ёрдысьяс 19:9

Сэсся левит чеччис да кӧсйис кесйӧг-гӧтырыскӧд да кесйӧгыскӧд петны туйӧ. Но тесьтыс шуис сылы: «Видзӧдлы, рыт нин воӧ. Узь тані, бурпӧт шойччы. Аски водз асывнас мӧдӧдчанныд гортад».

Руфа 3:7

Вооз сёйис-юис да долыдпырысь водіс узьны нянь тэчас бокӧ. Руфа гусьӧникӧн матыстчис, лэптыштіс Воозлӧн кок увсьыс шебрассӧ да водіс.

Ӧксыяслӧн 1 небӧг 18:22

Саул тшӧктіс аслас кесйӧгъяслы гусьӧникӧн висьтавны Давидлы: «Тэ воин ӧксылы сьӧлӧм вылас. Сылӧн кесйӧгъясыс тшӧтш радейтӧны тэнӧ. Ло ӧксылы зятьӧн».

Ӧксыяслӧн 1 небӧг 28:10

Господь нимӧн кӧсйысьӧмӧн Саул шуис: «Ловъя Господь водзын кыв сета: тэныд таысь лёкыс оз ло».

Ӧксыяслӧн 1 небӧг 28:13

Ӧксы вочавидзис сылы: «Эн пов. Висьтав, мый тэ аддзан». Ань вочавидзис: «Аддза, мый му пытшсьыс кыпӧдчӧ кодкӧ ен кодь».