Ӧксыяслӧн 2 небӧг 12:7 - Коми Библия 2023

⁷ Нафан шуис Давидлы: «Тайӧ мортыс [коді вӧчис татшӧмторсӧ] – тэ. Та вӧсна Господь, Израильлӧн Ен, тадзи висьталӧ: ”Ме мавтыштӧмӧн пукті тэнӧ Израиль войтырлы ӧксыӧ. Ме мезді тэнӧ Саул киысь.

Ӧксыяслӧн 2 небӧг 12:7 ပူးပေါင်းရင်းမြစ်များ

Ӧксыяслӧн 2 небӧг 14:13

«Висьтав», – шуис ӧксы. Ань шуис: «Мыйла тэ ачыд татшӧм ногӧн вӧчан Енлӧн войтыркӧд? Меным кыв сетӧмнад, ӧксыӧй, тэ асьтӧ мыждан. Ӧд тэ он сибӧд сійӧс, кодӧс коркӧ вӧтлін.

Ӧксыяслӧн 2 небӧг 22:1

Давид сьыліс тайӧ сьыланкывсӧ Господьлы, кор Господь мездіс сійӧс став вӧрӧгысь да Саулысь. Сійӧ сьыліс тадзи:

Ӧксыяслӧн 2 небӧг 22:49

мездан менӧ вӧрӧгысь. Тэ лэптін менӧ паныд кыпӧдчысьясысь вылӧджык, мездін менӧ виалысь-дзескӧдысьясысь.

Ӧксыяслӧн 2 небӧг 7:8

Висьтав Менам Давид кесйӧглы, мый шуӧ Господь Саваоф. Ме босьті тэнӧ ыж йирсянінысь, кӧні тэ видзин ыжъясӧс, да пукті ӧксыӧ Аслам Израиль войтырлы.

Ӧксыяслӧн 3 небӧг 14:7

Мун да висьтав Еровамлы, мый Господь, Израильлӧн Ен, тадзи висьталӧ: ”Ме бӧрйи тэнӧ войтыр пӧвстысь да пукті веськӧдлыны Менам Израиль войтырӧн.

Ӧксыяслӧн 3 небӧг 18:18

Илля вочавидзис: «Ог ме вай шогсӧ Израильлы, а тэ да тэнад батьыдлӧн рӧдыс. Ті эновтінныд Господьлысь тшӧктӧмъяссӧ да кутінныд юрбитны Ваал идолъяслы.

Ӧксыяслӧн 3 небӧг 20:40

Но ассьым уджъяс вӧчигкості кутӧм мортыд пышйис». Израильса ӧксы шуис: «Тэнӧ мед мыждасны сідзи, кыдзи тэ ачыд висьталін».

Ӧксыяслӧн 3 небӧг 20:42

Пророк шуис ӧксылы: «Господь тадзи висьталӧ: ”Сыысь, мый тэ лэдзин мортӧс, кодӧс Ме тшӧкті бырӧдны, тэныд ковмас кувны сы пыдди, а тэнад войтырлы – сылӧн войтыр пыдди”».

Псалтыр 18:1

Сьылысьясӧн веськӧдлысьлы. Давидлӧн псалом.

Еремей 34:6

Тайӧ кывъяссӧ Еремей пророк висьталіс иудаса Седекей ӧксылы Ерусалимын.

Даниил 4:22

Тэнӧ вӧтласны йӧз дінысь, и тэ пондан овны пемӧсъяскӧд ӧтлаын. Ӧшкӧс моз тэнӧ пондасны вердны турунӧн, тэнӧ пондас кӧтӧдны лысва. Тадзи лоӧ сизим во чӧж, кытчӧдз тэ он гӧгӧрво, мый Медвылыссаыс ыджыдалӧ мувывса став йӧзыс вылын да пуктӧ ӧксыӧ, кодӧс кӧсйӧ.

Матвей 14:14

Пыжысь чеччигӧн Исус аддзис уна йӧзӧс. Сылӧн сьӧлӧмыс нормис на вӧсна, и Сійӧ бурдӧдіс висьысьясӧс.

Ӧксыяслӧн 1 небӧг 13:13

Самуил шуис Сауллы: «Тэ лёка вӧчин. Тэ торкин аслад Господь Енлысь тэныд сетӧм тшӧктӧмсӧ. Тэ кӧ вӧчин Господьлӧн тшӧктӧм серти, Сійӧ эськӧ пыр кежлӧ вынсьӧдіс тэнсьыд ӧксыалӧмтӧ Израильын.

Ӧксыяслӧн 1 небӧг 15:17

Самуил пондіс висьтавны: «Эн-ӧ тэ асьтӧ нинӧмӧ пукты, кор лоин Израиль чужанкотыръяслы юралысьӧн? Но Господь мавтыштіс тэнӧ да пуктіс ӧксыӧ Израиль войтырлы.

Ӧксыяслӧн 1 небӧг 16:13

Самуил босьтіс вый тыра доз да мавтыштіс Давидӧс сылӧн вокъяс водзын. Сэки Господьлӧн Лов лэччис Давид вылӧ и сійӧ лунсяньыс вӧлі Давидкӧд. Сэсся Самуил бӧр муніс Рама карӧ.

Ӧксыяслӧн 1 небӧг 18:11

Сійӧ мӧвпыштіс: «Тувъяла Давидӧс стен бердас». Сэсся Саул лыйис шысӧ, но Давид удитіс кежны шыысь. Тадзи вӧлі кыкысь.

Ӧксыяслӧн 1 небӧг 18:21

Саул мӧвпыштіс: «Давидӧс тывйыштӧм могысь сета нылӧс сы сайӧ. Сэки Давид шедас филистимсаяслӧн киӧ». Сэсся шуис Давидлы: «Мӧд нылӧс сета тэныд, тэ лоан меным зятьӧн».

Ӧксыяслӧн 1 небӧг 23:14

Давид дзебсясис овтӧминын, сэсся муніс Зиф овтӧминса керӧсӧ. Саул быд лун корсис Давидӧс, но Енмыс эз сет сійӧс Саул киӧ.

Ӧксыяслӧн 1 небӧг 23:7

Сауллы юӧртісны, Давид пӧ Кейлаӧ локтӧма. Саул шуис: «Енмыс сетіс сійӧс менам киӧ. Карса иган сайӧ пырӧмнас сійӧ ачыс асьсӧ йӧртіс».