Ӧксыяслӧн 2 небӧг 11:26 - Коми Библия 2023

²⁶ Урийлӧн гӧтырыс бӧрдіс-шогсис верӧсыс вӧсна, кор тӧдмаліс, мый сійӧ кулӧма.

Ӧксыяслӧн 2 небӧг 11:26 ပူးပေါင်းရင်းမြစ်များ

Олӧм 27:41

Батьыслӧн бурсиӧм вӧсна Исав кутіс мустӧмтны Яков воксӧ. Исав мӧвпыштіс: «Матысмӧны батьным вӧсна бӧрдан лунъяс. Сэки ме виа Яков вокӧс».

Олӧм 50:10

Йӧрдан ю сайӧ Горен-Атадӧдз воӧм бӧрын пондісны гораа сыркъялӧмӧн бӧрдны. Сизим лун чӧж бӧрдісны Ӧсиплӧн бать вӧсна.

Ӧксыяслӧн 2 небӧг 11:25

Тайӧс кылӧм бӧрын Давид шуис юӧр вайысьлы: «Висьтав Йоавлы, медым сійӧ оз шогсьы тайӧ лоӧмторйыс вӧсна, ӧд шыпурт улӧ вермӧ веськавны быдӧн. Мед сійӧ нӧшта на чорыдджыка тышкасяс да бырӧдас карсӧ. Ышӧд Йоавӧс тайӧ кывъяснас».

Ӧксыяслӧн 2 небӧг 14:2

Сійӧ тшӧктіс вайӧдны Текоя карысь сюсь мывкыда аньӧс. Сылы шуис: «Лэччысь бӧрдӧм улӧ. Пасьтав шогалан паськӧм, чӧскыд дука выйнад эн мавтчы. Петкӧдлы, быттьӧ тэ дыр кад нин бӧрдан кулысь вӧсна.

Ӧксыяслӧн 2 небӧг 3:31

Давид шуис Йоавлы да став тышкайӧзыслы: «Косялӧй паськӧмнытӧ, пасьталӧй шогалан паськӧм да бӧрдӧй Авенир вӧсна». Ачыс Давид ӧксы восьлаліс шойсӧ нуысьяс бӧрся.

Ӧксыяслӧн 3 небӧг 21:16

Ахав кор кыліс, мый [изреельса] Навот кулӧма, [косяліс ассьыс паськӧмсӧ да пасьталіс шогалан паськӧм, сэсся] муніс да босьтіс изреельса Навотлысь виноград йӧрсӧ.

Индӧд 34:8

Израиль пиян бӧрдісны Мӧисей вӧсна Моав ласта вылын [Йӧрдан ю дорын, Ериконсянь матын] комын лун чӧж, кытчӧдз эз помасьны Мӧисей вӧсна бӧрдан лунъясыс.

Ӧксыяслӧн 1 небӧг 31:13

Налысь лыяссӧ гуалісны тамариск пу улӧ. Та бӧрын сизим лун чӧж видзалісны.