Ӧксыяслӧн 2 небӧг 10:6 - Коми Библия 2023

⁶ Аммонсаяс казялісны, мый найӧ лоины мустӧмӧсь Давидлы. Найӧ медалісны отсӧг вылӧ Бет-Реховысь да Цоваысь кызь сюрс пода арамейӧс, Маакаысь [амаликъяслӧн] ӧксылысь – сюрс тышкамортӧс да Истовысь – дас кык сюрс тышкамортӧс.

Ӧксыяслӧн 2 небӧг 10:6 ပူးပေါင်းရင်းမြစ်များ

Олӧм 34:30

Яков шуис Симеонлы да Левийлы: «Ті шогӧ уськӧдінныд менӧ. Ті вӧчинныд менӧ мустӧмӧн татчӧс олысьяслы, ханаансаяслы да перезейяслы. Ми ӧд этшаӧнӧсь. Найӧ кӧ чукӧртчасны миянлы паныд, сэки пасьвартасны миянӧс, бырӧдасны менӧ и гортсаӧс».

Ӧксыяслӧн 2 небӧг 10:5

Давидлы кор юӧртісны, мый сылысь кесйӧгъяссӧ татшӧм ногӧн янӧдӧмаӧсь, сэки налы воча мӧдӧдіс йӧзӧс. Ӧксы тшӧктіс висьтавны, медым сылӧн янӧдӧм кесйӧгъясыс кольччасны Ериконӧ да оласны сэні, кытчӧдз оз быдмы тошныс, а сэсся вермасны бӧр локны.

Ӧксыяслӧн 2 небӧг 10:7

Кор Давид кыліс та йылысь, мӧдӧдіс налы паныд Йоавӧс да став ассьыс тышкайӧзсӧ.

Ӧксыяслӧн 2 небӧг 16:21

Ахитофел вӧзйис: «Пыр батьыдлӧн кесйӧг-гӧтыръяс дінӧ, кодъясӧс сійӧ колис керка бӧрсяыс видзӧдны. Кор Израиль войтыр тӧдмалас, мый тэ вӧчин, гӧгӧрвоас, мый батьыд некор оз бурась тэкӧд. Сэки тэ дор сулалысьяс збойджыкӧсь лоасны».

Ӧксыяслӧн 2 небӧг 23:34

Маакаысь Ахасбайлӧн Элипелет пиыс, Гилоысь Ахитофеллӧн Элиам пиыс,

Ӧксыяслӧн 2 небӧг 8:12

Эзысь-зарнисӧ сійӧ босьтіс арамей, моав, аммон, филистим да амалик войтыръяслысь, нӧшта цоваса Ададезер ӧксылысь, Реховлӧн пилысь.

Ӧксыяслӧн 2 небӧг 8:3

Давид пасьвартіс и цоваса ӧксыӧс, Реховлысь Ададезер писӧ. Сійӧ буретш вӧлі мунӧ, медым бӧр босьтны Ефрат ю дорысь муяссӧ.

Ӧксыяслӧн 2 небӧг 8:5

Цоваса Ададезер ӧксылы отсӧг вылӧ локтісны Дамаскысь арамейяс. Но Давид пасьвартіс найӧс, виис кызь кык сюрс мортӧс.

Ӧксыяслӧн 3 небӧг 11:24

Кор Давид пасьвартіс Ададезерӧс, Разон чукӧртіс йӧзӧс да лои налӧн веськӧдлысьӧн. Найӧ мунісны Дамаскӧ, овмӧдчисны сэтчӧ да босьтісны тайӧ карсӧ асланыс кипод улӧ.

Ӧксыяслӧн 4 небӧг 7:6

Господь вӧчис сідзи, мый арамейяс кылісны тарантас шыяс, вӧвъяслысь гӧрдлӧм да уна тышкайӧзлысь шы. Арамейяс шуалісны ӧта-мӧдныслы: «Израильса ӧксы, буракӧ, медаліс хеттейяслысь да египетсаяслысь ӧксыясӧс, мед уськӧдчыны миян вылӧ».

Псалтыр 48:4

Менам вомӧй висьталӧ мывкыд кывъяс, сьӧлӧмпытшса мӧвпъясӧй восьтӧны тӧдӧмлун.

Петӧм 5:21

Найӧ шуисны Мӧисейлы да Ааронлы: «Господь мед аддзас, мый ті вӧчинныд, да мыждас тіянӧс. Тіян вӧсна фараон да сылӧн йӧзыс кутісны мустӧмтны миянӧс. Ті сетінныд налы шыпурт, медым миянӧс вины».

Шусьӧгъяс 25:8

эн тэрмась ёрдӧ вайны. Мый кутан вӧчны, янӧдасны кӧ тэнӧ?

Еремей 40:8

Тайӧс кылӧм бӧрын Гедалий дінӧ Миспаӧ локтісны асланыс йӧзкӧд Нетанийлӧн Измаил пиыс, Карейлӧн Иоханан да Ионафан пияныс, Танхуметлӧн Серай пиыс, Нетофаысь Эфайлӧн пияныс да Езаний, кодлӧн батьыс вӧлі Маакаысь.

Еремей 46:21

Египетлӧн медалӧм тышкайӧзыс тшӧгӧдӧм ӧшпиян кодьӧсь, но весиг найӧ уськӧдчисны пышйыны. Найӧ котӧртӧны, оз сувтлыны, ӧд воис найӧс бырӧдан луныс, воис найӧс мыждан кадыс.

Индӧд 3:14

Манассей чужанкотырысь Яир босьтіс Аргов му Гешур да Маака муяс дорӧдз да сетіс Васан мулы ассьыс нимсӧ. Ӧнӧдз сэтчӧс сиктъяссӧ шуӧны Яирлӧн сиктъясӧн.

Ёрдысьяс 11:3

Еффай пышйис вокъяссьыс да овмӧдчис Тов муӧ. Сы дінӧ чукӧртчисны мывкыдтӧм йӧз да ветлӧдлісны сыкӧд.

Ёрдысьяс 11:5

Сэки галаадса юрнуӧдысьяс мунісны, медым корны Еффайӧс бӧр локны Тов муысь.

Ёрдысьяс 18:28

Лаис карса олысьяслы отсӧг вылӧ некод эз лок, ӧд карыс сулаліс Бет-Рехов ковтысын, Сидон карысь ылын, и карса олысьяс эз волысьны мукӧд йӧзкӧд. Дансянь чужысьяс выльысь лэптісны карсӧ да овмӧдчисны сэтчӧ.

Ӧксыяслӧн 1 небӧг 13:4

мый Саул пасьвартӧма филистимса тышкакотырӧс, и филистимсаяс лӧгалӧны израильсаяс вылӧ. Та йылысь кылӧм бӧрын став Израиль войтырыс чукӧртчис Саул дінӧ Галгалӧ.

Ӧксыяслӧн 1 небӧг 27:12

Акиш эскис Давидлы. Чайтіс, мый Давид мустӧммис аслас Израиль войтырлы. Та вӧсна мӧвпаліс, мый Давид кутас пыр кесъявны сылы.