Ӧксыяслӧн 2 небӧг 10:12 - Коми Библия 2023

¹² Эн пов. Кутам зумыда сулавны асланым войтыр вӧсна, миян Енлӧн каръяс вӧсна. А Господь вӧчас, кыдзи Сылы колана».

Ӧксыяслӧн 2 небӧг 10:12 ပူးပေါင်းရင်းမြစ်များ

Ӧксыяслӧн 2 небӧг 10:11

Йоав шуис Авишайлы: «Арамейяс кӧ кутасны вермыны менӧ, тэ отсалан меным, а аммон тышкайӧз кӧ кутасны вермыны тэнӧ, ме локта тэныд отсӧг вылӧ.

Ӧксыяслӧн 2 небӧг 15:26

А шуас кӧ, тэ пӧ Меным абу шогмана, ме дась – мед вӧчас мекӧд, мый кӧсйӧ.

1 Каднебӧг 19:13

Эн пов. Кутам зумыда сулавны асланым войтыр вӧсна, миян Енлӧн каръяс вӧсна. А Господь вӧчас, кыдзи Сылы колана».

2 Каднебӧг 32:7

«Лоӧй зумыдӧсь да повтӧмӧсь! Энӧ полӧй ассурса ӧксыысь, энӧ тіралӧй сылӧн уна лыда тышкайӧзысь. Сійӧ, коді миянкӧд, ыджыдджык сы дорысь, коді ассурса ӧксыкӧд.

Неемий 4:14

Ставсӧ видзӧдалӧм бӧрын ме шуи нималана йӧзлы, веськӧдлысьяслы да войтырлы: «Энӧ полӧй вӧрӧгысь! Тӧдӧй, мый Господьыс ыджыд да повзьӧдана! Тышкасьӧй вокъясныд, ныв-пиныд, гӧтыръясныд да керкаясныд вӧсна!»

Неемий 4:8

Найӧ сёрнитчисны уськӧдчыны Ерусалим вылӧ, мед шызьӧдны карсӧ.

Эсфир 4:16

«Мун да чукӧрт Суза карысь став иудейсӧ. Видзалӧй ме вӧсна. Энӧ сёйӧй да энӧ юӧй куим лун и куим вой чӧж. Аслам кесйӧг аньяскӧд ме тшӧтш кута видзавны. Та бӧрын ме муна ӧксы дінӧ, мед кӧ тайӧ лоӧ индӧд торкӧм. Ковмас кӧ кувны, кула».

Иов 1:21

Иов шуис: – Пасьтӧг ме петі мам кынӧмысь, пасьтӧг и бӧр муна. Господь сетіс, Господь и бӧр босьтіс. [Ӧд тадзи вӧлі шогмана Господьлы.] Мед лоӧ ошкӧма Господьлысь нимсӧ!

Лыд 13:20

Видзӧдалӧй, кутшӧм сэні муыс, бур али лёк. Олӧны-ӧ йӧзыс сиктъясын али изкаръясын?

1 Коринфӧ 16:13

Лоӧй дасьӧсь да зумыда эскӧй! Лоӧй вынаӧсь да повтӧмӧсь!

Индӧд 31:6

Лоӧй зумыдӧсь да повтӧмӧсь! Энӧ полӧй наысь, ӧд Господь, тіян Енныд, Ачыс мунас тіянкӧд. Сійӧ оз коль да оз эновт тіянӧс».

Индӧд 31:7

Мӧисей корис Исусӧс да став Израиль войтыр водзын шуис сылы: «Ло зумыд да повтӧм! Тэ нуӧдан тайӧ войтырсӧ сійӧ муас, мый Господь кыв сетӧмӧн кӧсйысис сетны налӧн батьяслы, да юклан сійӧс налы.

Еврейяслы 11:33

Эскӧмӧн найӧ тышын босьтісны йӧз муяс, ставсӧ вӧчисны веськыда, сибӧдісны Енсянь кӧсйысьӧмасӧ, лӧньӧдісны левъясӧс,

Еврейяслы 13:6

Та вӧсна ми повтӧг шуам: – Господь – менам отсӧгыс, меным нинӧмысь повнысӧ. Мый вӧчас меным морт?

Нав Исус 1:18

Мед лоӧ виӧма быдӧнӧс, коді кыпӧдчас тэныд паныд да оз кывзы тэнсьыд тшӧктӧмтӧ. Ло зумыд да повтӧм!»

Нав Исус 1:9

Ме тшӧкта тэныд: ло зумыд да повтӧм! Эн тірав да эн пов, ӧд Господь, тэнад Енмыд, лоӧ тэкӧд быдлаын, кытчӧ тэ мунан».

Ёрдысьяс 10:15

Израиль пиян шуисны Господьлы: «Ми мыжаӧсь. Вӧч миянкӧд, мый кӧсъян, сӧмын мезды миянӧс талун».

Ӧксыяслӧн 1 небӧг 14:12

Найӧ горӧдісны Ионафанлы да сылӧн кесйӧглы: «Кайӧй миян дінӧ, мыйкӧ висьталам тіянлы». Ионафан шуис кесйӧгыслы: «Лок ме бӧрся. Господь сетіс найӧс Израиль киӧ».

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Ӧксыяслӧн 1 небӧг 17:32

Давид шуис Сауллы: «Мед некод ловнас оз усь тайӧ мортыс понда. Ме, тэнад кесйӧг, пета вермасьны тайӧ филистимсаыскӧд».

Ӧксыяслӧн 1 небӧг 3:18

Самуил висьталіс ставсӧ, нинӧм эз дзеб Илийысь. Сэки Илий шуис: «Сійӧ – Господь. Мед вӧчас, мый кӧсйӧ».

Ӧксыяслӧн 1 небӧг 4:9

Филистимсаяс, энӧ полӧй! Вермасьӧй повтӧг, медым ми эгӧ шедӧй еврейяслӧн кипод улӧ, кыдзи найӧ вӧліны миян кипод улынӧсь».