Ӧксыяслӧн 2 небӧг 1:18 - Коми Библия 2023

¹⁸ Иуда войтырлы сійӧ тшӧктіс велӧдны сьыланкыв, мый сиӧма ньӧввужйысь медбур лыйсьысьяслы. Тайӧ сьыланкывсӧ гижӧма Веськыда олысьлӧн небӧгӧ.

Ӧксыяслӧн 2 небӧг 1:18 ပူးပေါင်းရင်းမြစ်များ

Олӧм 49:8

Иуда, тэнӧ ошкасны вокъясыд, тэныд копыртчасны батьыдлӧн пияныс, ӧд тэнад киыд вӧрӧгыдлӧн сьылідзир вылас.

Ӧксыяслӧн 2 небӧг 1:19

Тэнсьыд медбуръястӧ, Израильӧй, пасьвартісны керӧсъясыд вылын. Ыджыд шог – вынаяс усисны!

Индӧд 4:10

Висьталӧй налы сійӧ луныс йылысь, кор ті [чукӧртчинныд да] сулалінныд Господь Енныд водзын Хорив керӧс дорын. Сэні Господь шуис меным: ”Чукӧрт войтырсӧ Ме дінӧ, Ме висьтала налы Ассьым кывъясӧс. Му вылын став олан лунъяс чӧжныс найӧ мед поласны Меысь да мед велӧдасны ассьыныс ныв-пинысӧ тадзи овны”.

Нав Исус 10:13

Шондіыс сувтіс, и тӧлысьыс сулаліс, кытчӧдз Израиль войтыр эз перйы водзӧс вӧрӧглысь. Тадзи гижӧма Веськыда олысьлӧн небӧгын. Шондіыс лунтыр сулаліс енэж шӧрас, эз тэрмась лэччыны рытыввылӧ.