Ӧксыяслӧн 2 небӧг 1:16 - Коми Библия 2023

¹⁶ А юӧр вайысьлы шуис: «Тэ ачыд мыжа аслад кулӧмысь. Ӧд тэ аслад вомӧн шуин, мый виин Господьлысь мавтыштӧмасӧ». Шыпурта бытшкис юӧр вайысьӧс, и мӧдыс куліс.

Ӧксыяслӧн 2 небӧг 1:16 ပူးပေါင်းရင်းမြစ်များ

Ӧксыяслӧн 2 небӧг 1:10

Ме матыстчи да вии. Ме тӧді, мый татшӧма доймалӧм бӧрын сійӧ дыр оз нин ов. Сэсся босьті юр вывсьыс ӧксы юркытшсӧ, кисьыс сойкытшсӧ да вайи тэныд, ыджыдӧй».

Ӧксыяслӧн 2 небӧг 16:8

Господь водзӧс перйӧ тэнсьыд Саул рӧдлысь вирсӧ кисьтӧмысь. Тэ пуксин ӧксыӧ Саул пыдди, но ӧні Господь сетіс ӧксыалӧмтӧ тэнад Авессалом пилы. Тэ морт виысь, та вӧсна тэнӧ суис тайӧ шогыс».

Ӧксыяслӧн 3 небӧг 2:37

Тӧд, тэ кӧ петан Ерусалимысь да вуджан Кедрон ковтыс сайӧ, тэнӧ виасны. Аслад кулӧмысь ачыд лоан мыжа».

Иов 15:6

Аслад вомыд тэнӧ мыждӧ, а ог ме, аслад кывйыд тэныд паныд висьталӧ.

Шусьӧгъяс 6:2

тэ аслад кывъясӧн асьтӧ кӧрталін, вомсьыд петан кывъясӧн асьтӧ тывъялін.

Езекиль 18:13

уджйӧзӧн сетӧ, а бӧрсӧ содтӧдӧн босьтӧ. Татшӧм мортыс кутас ӧмӧй овны? Оз. Сійӧ оз кут овны. Татшӧм зывӧк ужъяссӧ вӧчысь кулас, сійӧ ачыс лоӧ мыжа аслас кулӧмысь.

Езекиль 33:5

Сійӧ ачыс лоӧ мыжа аслас кулӧмысь, ӧд кыліс буксан шы, но асьсӧ эз видз. А коді асьсӧ видзӧ, сійӧ ловйӧн кольӧ.

Левит 20:16

Аньӧс пемӧскӧд узьӧмысь колӧ вины, пемӧссӧ тшӧтш колӧ вины. Мед найӧс виасны, найӧ асьныс лоӧны мыжаӧсь асланыс кулӧмысь.

Левит 20:27

Кулӧмаӧс корысьӧс да тунасьысьӧс колӧ вины, ань-ӧ сійӧ либӧ айлов. Сійӧс мед изъяласны, сійӧ ачыс лоӧ мыжа аслас кулӧмысь».

Левит 20:9

Коді лёкӧдас бать-мамсӧ, сійӧс мед виасны. Бать-мамсӧ лёкӧдысь ачыс лоӧ мыжа аслас кулӧмысь.

Матвей 27:25

Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс».

Лука 19:22

Ӧксы шуас сылы: ”Шогмытӧм кесйӧг! Аслад кывъясыд серти ме мыжда тэнӧ. Тэ тӧдін, мый ме чорыд морт, босьта, мый эг пуктывлы, да вунда, мый эг кӧдзлы.

Ап. уджъяс 18:6

Иудейяс сувтісны Павеллы паныд, пондісны омӧльтны сійӧс. Сэки Павел паськӧмсӧ пыркнитӧмӧн шуис: «Тіян вирныд ас выланыд кольӧ, а ме сӧстӧм. Ӧні ме муна ентӧдтӧмъяс дінӧ».

Ап. уджъяс 20:26

Та вӧсна талун шуа тіянлы: вошас кӧ кодкӧ туй вывсьыс, ме абу мыжа,

Римӧ 3:19

Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.

Индӧд 19:10

Энӧ кисьтӧй мыжтӧмлысь вирсӧ сійӧ муас, мый Господь, тіян Енныд, сетас тіянлы. Кисьтанныд кӧ мыжтӧмлысь вирсӧ, мыжыс лоӧ тіян вылын.

Нав Исус 2:19

Коді петас тэнад керкаысь ывлаӧ, ачыс лоӧ мыжа аслас кулӧмысь, а ми мынам тэныд кыв сетӧмысь. Но миян войтырысь кӧ кодкӧ кыпӧдас кисӧ тэнад керкаын олысь вылӧ, сэки ми лоам мыжаӧсь сылӧн кулӧмысь.

Ёрдысьяс 9:24

Тадзи лои, медым водзӧс перйыны Авимелеклысь да сикемсаяслысь – Авимелеклысь сы вӧсна, мый сійӧ виис ассьыс вокъяссӧ, Еровааллысь сизимдас писӧ, а сикемсаяслысь сы вӧсна, мый найӧ отсалісны Авимелеклы вины сылысь вокъяссӧ.

Ӧксыяслӧн 1 небӧг 25:39

Давидлы кывсис, мый Навал кулӧма, сэки шуис: «Ошкӧм Господьлы, коді мынтысис Наваллы менӧ янӧдӧмысь. Господь видзис менӧ, Ассьыс кесйӧгсӧ, лёк вӧчӧмысь, Сійӧ бергӧдіс лёксӧ Навал вылӧ». Сэсся Давид ыстіс йӧзӧс Авигея дінӧ, мед висьтавны, мый босьтӧ сійӧс гӧтырӧ.

Ӧксыяслӧн 1 небӧг 26:9

Давид шуис Авишайлы: «Эн ви сійӧс! Господьлӧн мавтыштӧма вылӧ ки лэптысь оз коль мыждытӧг.