Ӧксыяслӧн 1 небӧг 8:9 - Коми Библия 2023

⁹ Вӧч налӧн корӧм серти. Но ӧлӧд найӧс да висьтав, мый вӧчас налы ӧксы, коді кутас ыджыдавны на вылын».

Ӧксыяслӧн 1 небӧг 8:9 ပူးပေါင်းရင်းမြစ်များ

Еремей 11:7

Сійӧ лунсяньыс, кор Ме петкӧді тіянлысь батьяснытӧ Египетысь, Ме тшӧкті налы кывзыны Менӧ. Ӧнія лунӧдз Ме выльысь и выльысь тадзи жӧ вӧча.

Езекиль 3:18

Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс да ловйӧн коляс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Езекиль 46:18

Ӧксылы оз позь мырддьыны войтырыслысь мусӧ да вӧтлыны найӧс сэтысь. Сійӧ сӧмын аслас юкӧнысь вермӧ мусӧ сетны пияныслы. Менам войтыр пӧвстысь некодӧс мед оз ло вӧтлӧма аслас му юкӧнысь».

Ӧксыяслӧн 1 небӧг 10:25

Самуил висьталіс войтырыслы, мый вермас вӧчны накӧд ӧксы. Ставсӧ тайӧс гижис небӧгӧ да пуктіс вежаинӧ Господь водзӧ. Сэсся лэдзис войтырсӧ мунны гортаныс.

Ӧксыяслӧн 1 небӧг 12:1

Самуил шуис Израиль войтырлы: «Ме ставсӧ вӧчи тіян корӧм серти – пукті тіянлы ӧксыӧс.

Ӧксыяслӧн 1 небӧг 14:52

Сауллӧн ӧксыалан кадӧ израильсаяс дугдывтӧг чорыда тышкасисны филистимсаяскӧд. Кор Саул аддзывліс Израиль войтыр пӧвстысь ён да збой мортӧс, босьтліс сійӧс аслас тышкайӧз лыдӧ.

Ӧксыяслӧн 1 небӧг 2:13

и эз пыдди пуктыны вись йылысь тшӧктӧмсӧ. Кор йӧзыс вайлісны вись, яйсӧ пуигӧн матыстчыліс поплӧн отсасьысь да куим вожа вилаӧн

Ӧксыяслӧн 1 небӧг 8:8

Сійӧ кадсяньыс, кор Ме петкӧді найӧс Египетысь, найӧ унаысь эновтлісны Менӧ да юрбитлісны мукӧд енъяслы. Найӧ ӧнӧдз тадзи вӧчӧны. Кыдзи найӧ вӧчисны Мекӧд, тадзи вӧчӧны и тэкӧд.