Ӧксыяслӧн 1 небӧг 7:9 - Коми Библия 2023

⁹ Самуил босьтіс нёньпом баляӧс да вайис [войтырыскӧд] Господьлы сотан вись пыдди. Самуил кевмысьӧмӧн шыасис Господь дінӧ Израиль вӧсна, и Господь кыліс Самуилӧс.

Ӧксыяслӧн 1 небӧг 7:9 ပူးပေါင်းရင်းမြစ်များ

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Еремей 15:1

Господь шуис меным: «Весиг кӧ Мӧисей да Самуил сувтасны Ме водзӧ да кутасны кевмысьны, Ме ог бурсьӧлӧмтчы тайӧ войтырыс дінӧ. Вӧтлы найӧс Менам син водзысь!

Левит 22:27

«Куканьӧс, баляпиӧс да кӧзапиӧс чужӧм бӧрас видзӧй мам дорас сизим лун, а кӧкъямысӧд лунсяньыс найӧс позьӧ вайны Господьлы вись пыдди.

Индӧд 9:26

Ме кевмыси Господьлы: ”Господьӧй Ыджыдӧй, [енъяслӧн Ӧксы,] эн бырӧд Ассьыд войтыртӧ. Ӧд Тэ мездін найӧс Аслад ыджыд вынӧн, петкӧдін Египетысь вына кинад [да ён сойнад].

Яков 5:16

Висьтасьӧй ӧта-мӧд водзаныд мыжъяссьыныд да кевмысьӧй ӧта-мӧд вӧснаныд, медым бурдінныд. Ӧд веськыда олысьлӧн кевмысьӧмыс вына, сійӧ вермӧ вӧчны унатор.

Ёрдысьяс 6:26

Вӧч тайӧ керӧс вылас висьпуктанін Господьлы, аслад Енлы [коді петкӧдчис тэныд]. Ставсӧ вӧч колана ногӧн. Кералӧм юрбитан пусӧ сот пес пыдди висьпуктанін вылас, а ӧшсӧ вай сотан вись пыдди».

Ёрдысьяс 6:28

Асывнас карса олысьяс чеччисны да аддзисны, мый Вааллысь висьпуктанінсӧ жугӧдӧма, орччӧн сулалысь юрбитан пусӧ кералӧма и выль висьпуктанін вылын сотан вись пыдди вайӧма ӧшкӧс.

Ӧксыяслӧн 1 небӧг 10:8

Сэсся мун Галгалӧ. Ме локта сэтчӧ тэ дінӧ, мед вайны сотан да бурасян висьяс. Виччысь менӧ сэні сизим лун. Ме локта да висьтала, мый тэныд вӧчнысӧ».

Ӧксыяслӧн 1 небӧг 12:17

Ӧні шобді вундан кад. Но ме кӧ шыася Господь дінӧ, Сійӧ ыстас гым да зэр. Тадзи ті аддзанныд да тӧдмаланныд, кутшӧм ыджыд мыж ті вӧчинныд Господьлӧн син водзын, кор ті коринныд аслыныд ӧксыӧс».

Ӧксыяслӧн 1 небӧг 16:2

Самуил воча шуис: «Ме ог вермы сэтчӧ мунны. Саул кӧ кывлас, виас менӧ». Господь шуис: «Босьт аскӧдыд куканьӧс да шу, мый тэ локтін вись вайны Господьлы.

Ӧксыяслӧн 1 небӧг 2:35

Аслым Ме сувтӧда попӧс, коді кутас кывзысьны Менсьым да збыльмӧдны Менсьым кӧсйӧмӧс. Сылысь рӧдсӧ вӧча зумыдӧн. Став олӧм чӧжыс сійӧ кутас кесъявны Менам мавтыштӧма водзын.

Ӧксыяслӧн 1 небӧг 7:17

Самуил оліс Рама карын, сэні сійӧ тшӧтш вӧлі ёрдысьӧн. Рама карын Самуил сувтӧдіс Господьлы висьпуктанін.

Ӧксыяслӧн 1 небӧг 9:12

Нывъяс вочавидзисны: «Тані. Сійӧ тіян водзвылын локтіс карас, ӧд талун мыльк вылын войтыр кутас вись вайны. Тэрмасьӧй!