Ӧксыяслӧн 1 небӧг 7:8 - Коми Библия 2023

⁸ Самуиллы шуисны: «Дугдывтӧг кевмысь миян вӧсна Господьлы, миян Енлы, медым Сійӧ мездас миянӧс филистимсаясысь». [Самуил шуис: «Мед оз ло сэтшӧмторйыс, мый ме кежа Господьысь, аслам Енмысь, да дугда кевмысьны тіян вӧсна».]

Ӧксыяслӧн 1 небӧг 7:8 ပူးပေါင်းရင်းမြစ်များ

Исай 37:4

Гашкӧ, Господь, тэнад Енмыд, кылас ассурса ӧксылӧн эскана мортлысь кывъяссӧ. Сылӧн ыджыдыс, ассурса ӧксы, мӧдӧдіс сійӧс, медым омӧльтны ловъя Енмӧс. Гашкӧ, Господь, тэнад Енмыд, мыждас сійӧс омӧльтана кывъяссьыс. Кевмысь ловйӧн кольӧмаяс вӧсна».

Исай 62:1

Сион вӧсна ог кут чӧв овны, Ерусалим ради ог дугды висьтавлыны, кытчӧдз сылӧн веськыдлуныс оз воссьы югыд моз, сылӧн мездмӧмыс оз тыдовтчы ӧзъялысь би моз.

Еремей 27:18

Найӧ кӧ пророкъяс, налӧн кӧ эм Господьсянь кыв, сідзкӧ, найӧ мед кевмӧны Господь Саваофлы, медым дозмук-кӧлуйсӧ, мый эм на Господьлӧн крамын, иудаса ӧксылӧн керкаын да Ерусалимын, эз нуны Вавилонӧ.

Еремей 42:2

да шуисны Еремей пророклы: «Корам тэнӧ, кывзы миянӧс да кевмысь Господьлы, аслад Енлы, миян вӧсна, тайӧ коляс йӧзыс вӧсна. Ми вӧлім унаӧн, а колим этшаӧн, тэ ӧд ачыд аддзан тайӧс.

Яков 5:16

Висьтасьӧй ӧта-мӧд водзаныд мыжъяссьыныд да кевмысьӧй ӧта-мӧд вӧснаныд, медым бурдінныд. Ӧд веськыда олысьлӧн кевмысьӧмыс вына, сійӧ вермӧ вӧчны унатор.