Ӧксыяслӧн 1 небӧг 6:4 - Коми Библия 2023

⁴ Йӧзыс юалісны: «Мый миянлы ыстыны Сылы мыж вештан вись пыдди?» Мӧдъясыс шуисны: «Ыстӧй зарниысь вӧчӧм вит мыль да вит зарни крыса филистимса юралысьяслӧн лыд серти. Ӧд тіянӧс да тіянлысь юралысьяснытӧ мыждӧма ӧткодя.

Ӧксыяслӧн 1 небӧг 6:4 ပူးပေါင်းရင်းမြစ်များ

Петӧм 12:35

Мӧисейлӧн тшӧктӧм серти израильсаяс корисны египетсаяслысь паськӧм да эзысь-зарниысь вӧчӧм дозмук-кӧлуй.

Нав Исус 13:3

мый пырӧны Ханаан муӧ да паськӧдчӧны Египет мудорын визувтысь Шихор юсянь войвылӧ Экрон карӧдз. Тайӧ му вылас ыджыдалӧны филистимса вит юралысь: газаса, азотса, аскалонса, гефса да экронса юралысьяс. Сэні ыджыдалӧны тшӧтш аввейяс,

Ёрдысьяс 14:19

Господьлӧн Лолыс лэччис Самсон вылӧ. Самсон муніс Аскалонӧ да виис сэні комын мортӧс, пӧрччӧдіс на вылысь паськӧмсӧ да сетіс налы, кодъяс тӧдмалісны сылысь нӧдкывсӧ. Скӧрйывсьыс сійӧ бӧр муніс бать керкаас.

Ёрдысьяс 3:3

Ханаан муӧ вӧлі кольӧма филистимса вит юралысьӧс да ливанса керӧсъяс вылын Ваал-Ермон керӧссянь Лево-Хаматӧдз олысь ханаансаясӧс, сидонсаясӧс да хивейясӧс.

Ӧксыяслӧн 1 небӧг 5:12

Унаӧн кулісны. А ловйӧн кольысьяс ставныс ёна мылльӧссисны. Карса олысьяслӧн ойзӧмыс кыптіс енэжӧдз.

Ӧксыяслӧн 1 небӧг 5:6

Азотын да сы гӧгӧрын олысьясӧс Господь чорыда кутіс мыждыны. Ставнысӧ полӧм босьтіс. Господь дойдаліс йӧзсӧ, яй пасьталаыс налӧн петалісны мыльяс. [Му пасьталаыс рӧдмисны крысаяс. Ыджыд шог суис карын олысьясӧс.]

Ӧксыяслӧн 1 небӧг 5:9

Сэтчӧ вайӧм бӧрын Господь кутіс мыждыны и тайӧ карсӧ. Ставныс шызисны. Йӧзсӧ полӧм босьтіс. Господь чорыда дойдаліс гырысьӧс и посниӧс, ставныс найӧ мылльӧссисны.

Ӧксыяслӧн 1 небӧг 6:5

Вӧчӧй мыльяссӧ да мунытӧ бырӧдысь крысаяссӧ, мед пыдди пуктыны Израильлысь Енсӧ. Гашкӧ, Сійӧ вештас Ассьыс мыждӧмсӧ тіян вылысь, тіян енъяс да тіян му вылысь.

Ӧксыяслӧн 1 небӧг 6:8

Господьлысь кудсӧ пуктӧй тарантасӧ. А зарниысь вӧчӧмторъяснытӧ, кодъясӧс ваянныд Господьлы мыж вештан вись пыдди, пуктӧй тылӧсӧ, а тылӧссӧ пуктӧй кудйыскӧд орччӧн. Тадзи ыстӧй кудсӧ.