Ӧксыяслӧн 1 небӧг 6:14 - Коми Библия 2023

¹⁴ Тарантас воис Бет-Шемешын олысь Исуслӧн му вылӧ да сувтіс ыджыд из дорӧ. Тарантассӧ кералісны пес вылӧ, а мӧсъяссӧ вайисны Господьлы сотан вись пыдди.

Ӧксыяслӧн 1 небӧг 6:14 ပူးပေါင်းရင်းမြစ်များ

Ӧксыяслӧн 2 небӧг 24:18

Сійӧ лунӧ локтіс Давид дінӧ Гад пророк да шуис: «Мун евусса Орнанлӧн гумла вылӧ да сувтӧд сэтчӧ Господьлы висьпуктанін».

Ӧксыяслӧн 2 небӧг 24:22

Орнан шуис: «Ӧксыӧй-ыджыдӧй, босьт вись вайӧм вылад ставсӧ, мый кӧсъян. Ассьым ӧшъясӧс ме сета сотан вись пыдди, доддьӧс да сийӧсӧс – пес пыдди.

Ӧксыяслӧн 2 небӧг 24:25

Сэсся гумла вылас вӧчис Господьлы висьпуктанін да сы вылын вайис сотан да бурасян висьяс. [Бӧрынджык Соломон ыдждӧдіс тайӧ висьпуктанінсӧ, ӧд сійӧ вӧлі ичӧт.] Господь кыліс войтырыслысь кевмӧмсӧ и вештіс кулӧм-бырӧдӧмсӧ Израиль вылысь.

Ӧксыяслӧн 3 небӧг 19:21

Елисей бӧр бергӧдчис видз-му вылас да начкис кык ӧшкӧс. Гӧрсӧ сотіс, а би вылас пражитіс ӧш яйсӧ да сетіс йӧзыслы. Найӧ сёйисны. Сэсся Елисей муніс Илля бӧрся да кутіс кесъявны сылы.

Петӧм 20:24

Вӧчӧй муысь Меным висьпуктанін да вайӧй сэні сотан да бурасян вись пыдди ыж-мӧс. Быд местаын, кӧні Ме восьта Ассьым нимӧс, Ме локта тіян дінӧ да бурсиа тіянӧс.

Ёрдысьяс 21:4

Мӧд асывнас войтырыс чеччис водз, сувтӧдіс висьпуктанін да вайис сэні сотан да бурасян висьяс.

Ёрдысьяс 6:26

Вӧч тайӧ керӧс вылас висьпуктанін Господьлы, аслад Енлы [коді петкӧдчис тэныд]. Ставсӧ вӧч колана ногӧн. Кералӧм юрбитан пусӧ сот пес пыдди висьпуктанін вылас, а ӧшсӧ вай сотан вись пыдди».

Ӧксыяслӧн 1 небӧг 11:5

Саул тайӧ кадас вӧлі локтӧ ӧшъясыс бӧрся видз-му вывсьыс. Сійӧ юаліс: «Мый лои войтырыскӧд? Мыйла найӧ бӧрдӧны?» Сылы висьталісны Явис карса олысьяссянь вайӧм юӧрсӧ.

Ӧксыяслӧн 1 небӧг 20:29

Шуис, лэдзлы пӧ менӧ чужан карӧ, вокӧй пӧ корис. Сэні пӧ став рӧдным вись вайӧ. Ло пӧ бур сьӧлӧма да лэдз менӧ ветлыны аддзысьлыны вокъяскӧд. Та вӧсна Давид эз лок пажын вылад».

Ӧксыяслӧн 1 небӧг 6:13

Сійӧ кадас Бет-Шемешын олысьяс вундісны ковтысын шобді. Кор найӧ аддзисны Господьлысь кудсӧ, тырисны нимкодьлунӧн.

Ӧксыяслӧн 1 небӧг 6:18

Зарни крысаяссӧ вӧлі вайӧма став кар-сиктыс вӧсна, кӧні веськӧдлісны филистимса вит юралысьыс. Налӧн изкаръясыс да сиктъясыс вӧлі паськӧдчӧмаӧсь ыджыд изйӧдзыс, кытчӧ пуктісны Господьлысь кудсӧ. Тайӧ изйыс ӧнӧдз сулалӧ Бет-Шемешысь Исуслӧн му вылын.