Ӧксыяслӧн 1 небӧг 5:9 - Коми Библия 2023

⁹ Сэтчӧ вайӧм бӧрын Господь кутіс мыждыны и тайӧ карсӧ. Ставныс шызисны. Йӧзсӧ полӧм босьтіс. Господь чорыда дойдаліс гырысьӧс и посниӧс, ставныс найӧ мылльӧссисны.

Ӧксыяслӧн 1 небӧг 5:9 ပူးပေါင်းရင်းမြစ်များ

Амос 5:19

Сійӧ лунӧ ті лоанныд морт кодь, коді пышйӧ левысь, но паныдасьӧ ошкӧд, котӧртӧ гортӧдзыс да кутчысьӧ кинас стенмӧ, но сійӧс змей чушкӧ.

Индӧд 2:15

сідзи Сійӧ лэптіс на вылӧ кисӧ да бырӧдіс ставнысӧ.

Ӧксыяслӧн 1 небӧг 12:15

Онӧ кӧ кутӧй кывзыны Господьӧс, а Сылы паныд кыпӧдчанныд, сэки Господь лэптас Ассьыс кисӧ тіянлы паныд, кыдзи лэптіс кисӧ батьясныдлы паныд.

Ӧксыяслӧн 1 небӧг 5:10

Сэтысь мӧдӧдісны Енлысь кудсӧ Экрон карӧ. Сэтчӧс олысьяс пондісны шуасьны-горзыны: «Мыйла ті вайинныд татчӧ Израиль Енлысь кудсӧ? Мед вины-бырӧдны миянӧс?»

Ӧксыяслӧн 1 небӧг 5:11

Сэсся чукӧртісны филистимса став юралысьсӧ да шуисны: «Бӧр нуӧй Израиль Енлысь кудсӧ, кытысь босьтінныд. Тані сійӧ ставнымӧс бырӧдас». Экронын олысьяс зэв ёна полісны, ӧд [Израиль Енлысь кудсӧ вайӧм бӧрын] Ен чорыда мыждіс найӧс.

Ӧксыяслӧн 1 небӧг 5:6

Азотын да сы гӧгӧрын олысьясӧс Господь чорыда кутіс мыждыны. Ставнысӧ полӧм босьтіс. Господь дойдаліс йӧзсӧ, яй пасьталаыс налӧн петалісны мыльяс. [Му пасьталаыс рӧдмисны крысаяс. Ыджыд шог суис карын олысьясӧс.]

Ӧксыяслӧн 1 небӧг 6:11

Сэсся пуктісны тарантасӧ Господьлысь кудсӧ да тылӧс, кытчӧ пуктісны зарниысь вӧчӧм мыльяссӧ да крысаяссӧ.

Ӧксыяслӧн 1 небӧг 7:13

Тадзи вӧлі вермӧма филистимсаясӧс. Та бӧрти найӧ эз нин усьласьны Израиль му вылӧ. Самуиллӧн став олан лунъяс дырйи Господь чорыд кабырын кутіс филистимсаясӧс.