Ӧксыяслӧн 1 небӧг 4:21 - Коми Библия 2023

²¹ Пиыслы Икавод нимсӧ сетігӧн шуис: «Вешйис Израиль войтыр дінысь Енлӧн дзирдлуныс». Тадзи шуис, ӧд Енлысь кудсӧ вӧлі мырддьӧма, а айкаыс да верӧсыс кулісны.

Ӧксыяслӧн 1 небӧг 4:21 ပူးပေါင်းရင်းမြစ်များ

Псалтыр 106:20

Сійӧ мӧдӧдіс Ассьыс кывсӧ да бурдӧдіс найӧс, видзис найӧс гуӧ веськалӧмысь.

Псалтыр 26:8

Ме ог вунӧд Тэнсьыд кывъястӧ. Тэ шуин: «Корсьӧй Менсьым чужӧмбанӧс». Господьӧй, ме кута корсьны Тэнсьыд чужӧмбантӧ.

Еремей 2:11

Мукӧд войтыръяслӧн енъясыс – абу збыль Ен, но найӧ оз вежлавны енъяснысӧ. А Менам войтырӧй вежис Менӧ, найӧ вежисны ассьыныс дзирдлунсӧ идолъяс вылӧ, кодъяс отсавны оз вермыны.

Бӧрданкыв 2:1

Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.

Осий 9:12

Весиг кӧ быдтасны челядьнысӧ, Ме босьта найӧс. Курыд шог лоӧ Ефремлы, кор Ме бергӧдча сыысь.

Ӧксыяслӧн 1 небӧг 14:3

На пӧвстын вӧлі Ахий, Силомын Господьлы кесъялысь поп, кодлӧн вӧлі ефод. Ахий вӧлі Ахитувлӧн пи. Ахитув вӧлі Икаводлӧн вок, найӧ вӧліны Пинеслӧн пиян, а Пинес вӧлі Илий поплӧн пи. Сауллӧн йӧзыс эз тӧдлыны Ионафанлысь мунӧмсӧ.

Ӧксыяслӧн 1 небӧг 2:34

Офни да Пинес пияныд куласны ӧти лунӧ, и тайӧ лоӧ тэныд пас, мый Менам кывъясӧй инасны.

Ӧксыяслӧн 1 небӧг 3:12

Сійӧ лунӧ Ме водзысяньыс помӧдзыс збыльмӧда ставсӧ, мый шулі Илий да сылӧн рӧд йылысь.

Ӧксыяслӧн 1 небӧг 4:11

Филистимсаяс мырддисны Енлысь кудсӧ, а Илийлысь Офни да Пинес пиянсӧ виисны.

Ӧксыяслӧн 1 небӧг 4:22

Та вӧсна и шуис: «Вешйис Израиль войтыр дінысь Енлӧн дзирдлуныс, ӧд Енлысь кудсӧ мырддьӧма».