Ӧксыяслӧн 1 небӧг 31:5 - Коми Библия 2023

⁵ Шыпурт новлӧдлысь кор аддзис, мый Саул куліс, тшӧтш шыбитчис шыпурт ёсьладор помас да куліс.

Ӧксыяслӧн 1 небӧг 31:5 ပူးပေါင်းရင်းမြစ်များ

Ӧксыяслӧн 3 небӧг 16:18

Зимри кор аддзис, мый израильса тышкайӧз босьтісны карсӧ, пырис аслас ӧксы керкаӧ пыді жыръяс да ӧзтіс керкасӧ, ачыс сотчис. Тадзи сійӧ куліс

1 Каднебӧг 10:5

Шыпурт новлӧдлысь кор аддзис, мый Саул куліс, тшӧтш шыбитчис шыпурт ёсьладор помас да куліс.

Ёрдысьяс 9:54

Авимелек дзик пыр горӧдіс шыпурт новлӧдлысьсӧ да тшӧктіс сылы: «Перйы шыпурттӧ да сатшкы менӧ. Мед некод оз шу, мый менӧ виис ань». Шыпурт новлӧдлысь сатшкис Авимелекӧс, и сійӧ куліс.

Ӧксыяслӧн 1 небӧг 31:4

Саул шуис шыпурт новлӧдлысьыслы: «Перйы шыпурттӧ да бытшкы менӧ! Тайӧ вундыштчытӧмъясыс мед оз вины менӧ да оз тешитчыны ме вылын». Но шыпурт новлӧдлысь ёна повзис да эз ви Саулӧс. Сэки Саул босьтіс ассьыс шыпуртсӧ да шыбитчис ёсьладор помас.

Ӧксыяслӧн 1 небӧг 31:6

Ӧти лунӧ кулісны Саул, сылӧн куимнан пиыс, шыпурт новлӧдлысьыс да став тышкайӧзыс.