Ӧксыяслӧн 1 небӧг 30:12 - Коми Библия 2023

¹² косьтӧм инжир да кык ёкмыль изюм. Сійӧ сёйис да ёнмыштіс. Таӧдз сійӧ куим лун оліс сёйтӧг-ютӧг.

Ӧксыяслӧн 1 небӧг 30:12 ပူးပေါင်းရင်းမြစ်များ

Эсфир 4:16

«Мун да чукӧрт Суза карысь став иудейсӧ. Видзалӧй ме вӧсна. Энӧ сёйӧй да энӧ юӧй куим лун и куим вой чӧж. Аслам кесйӧг аньяскӧд ме тшӧтш кута видзавны. Та бӧрын ме муна ӧксы дінӧ, мед кӧ тайӧ лоӧ индӧд торкӧм. Ковмас кӧ кувны, кула».

Бӧрданкыв 1:11

Ерусалимын олысьяс ойзӧны, корсьӧны нянь, став озырлунсӧ найӧ вежӧны сёян вылӧ, медым ловйӧн кольны. – Видзӧдлы, Господьӧй! Тэ аддзан, кутшӧма менӧ мустӧмтӧны.

Матвей 27:63

да шуисны: «Ыджыдӧй, миянлы тӧд выланым уси, мый эсійӧ пӧръясьысьыс ловъя дырйиыс на шуліс, куим лун мысти пӧ ловзя.

Ёрдысьяс 15:19

Сэки Лехи карын Енмыс поткӧдіс мусӧ, кытысь кутіс визувтны ва. Самсон веськӧдіс горшсӧ, вынсяліс да ловзис. Та вӧсна тайӧ местаыс шусьӧ Эн-Хаккоре, и сійӧ ӧнӧдз Лехи карын.

Ӧксыяслӧн 1 небӧг 14:27

Ионафан эз кывлы, мый батьыс тшӧктӧма йӧзыслы кыв сетны. Сійӧ нюжӧдіс ассьыс бедьсӧ да чуньыштіс мазі позйысь масӧ. Масӧ видлӧм бӧрын сылӧн синмыс югзис.

Ӧксыяслӧн 1 небӧг 30:11

Овтӧминысь найӧ аддзисны египетса мортӧс. Сійӧс вайӧдісны Давид дінӧ. Сэсся юкталісны сійӧс ваӧн, сетісны сылы нянь,

Ӧксыяслӧн 1 небӧг 30:13

Давид юаліс сылысь: «Кодлӧн тэ да кытысь ачыд?» Мӧдыс вочавидзис: «Ме Египетысь, амалик мортлӧн кесйӧг. Куим лун сайын ме висьми, и ыджыдӧй эновтіс менӧ.