Ӧксыяслӧн 1 небӧг 3:17 - Коми Библия 2023

¹⁷ Илий юаліс: «Мый Енмыс висьталіс тэныд? Эн дзеб меысь. Мед Енмыс ёна мыждас тэнӧ, он кӧ висьтав меным ставсӧ».

Ӧксыяслӧн 1 небӧг 3:17 ပူးပေါင်းရင်းမြစ်များ

Ӧксыяслӧн 2 небӧг 14:18

Ӧксы воча шуис аньлы: «Эн дзеб меысь, ме кӧ мыйкӧ юала тэнсьыд». «Юав, ӧксыӧй-ыджыдӧй», – шуис ань.

Ӧксыяслӧн 2 небӧг 19:13

Амессайлы висьталӧй, мый сійӧ меным ас морт. И Енмыс мед ёна мыждас менӧ, ог кӧ пукты сійӧс Йоав пыдди пыр кежлӧ веськӧдлыны тышкайӧзӧн!»

Ӧксыяслӧн 2 небӧг 3:35

Лун чӧжнас йӧзыс матыстчылісны Давид дінӧ да вӧзйисны сылы сёйыштны. Но Давид кыв сетіс: «Енмыс мед ёна мыждас менӧ, ме кӧ шонді пуксьытӧдзыс босьта вомӧ няньтор либӧ нӧшта мыйкӧ».

Ӧксыяслӧн 2 небӧг 3:9

Енмыс мед ёна мыждас менӧ, ме кӧ [талун] ог вӧч Давидлы сійӧ, мый Господь кыв сетӧмӧн кӧсйысис сылы.

Ӧксыяслӧн 3 небӧг 22:16

Но ӧксы воча шуис сылы: «Кымынысь меным колӧ тшӧктыны, мед тэ кыв сетін, мый Господь нимсянь тэ висьталан меным сӧмын збыльсӧ?»

Ӧксыяслӧн 4 небӧг 6:31

Ӧксы шуис: «Талун кӧ оз ло керыштӧма Шафатлӧн Елисей пилысь юрсӧ, Енмыс мед чорыда мыждас менӧ».

Псалтыр 141:5

Ме шыася Господь дінӧ, шуа, мый Тэ – менам сайӧдчаніныс, менам пайыс ловъяяслӧн му вылын.

Еремей 38:14

Седекей ӧксы мӧдӧдіс мортӧс, коді вайӧдіс Еремей пророкӧс ӧксы дінӧ Господьлӧн крамӧ коймӧд пыранін дорӧ. Сэні ӧксы шуис Еремейлы: «Ме мыйсюрӧ юала тэнсьыд, а тэ меысь нинӧм эн дзеб».

Еремей 42:4

Еремей пророк вочавидзис налы: «Ме кылі тіянӧс, ме кевмыся Господьлы, тіян Енлы, тіян корӧмныд серти. Ставсӧ, мый Господь висьталас, ме юӧрта тіянлы, ог дзеб тіянысь ни ӧти кыв».

Даниил 4:19

Ӧксыӧй, тэ – тайӧ пуыс. Тэ лоин ыджыд да вына, тэнад ыджыдалӧмыд инмӧ енэжӧдзыс, тэнад юралӧмыд паськалӧ му помӧдзыс.

Микей 2:7

Яков рӧд, тадзи-ӧ тэ чайтан? Господь ӧмӧй оз скӧрав? Аслас шуӧм серти ӧмӧй оз вӧч? Менам кывъясӧй ӧмӧй оз вайны бурсӧ веськыда олысьлы?

Лыд 23:17

Локтӧм бӧрас Валаам аддзис, мый Валак сулалӧ аслас сотан вись дорын моавса юралысьяскӧд. Валак юаліс: «Мый шуис Господь?»

Матвей 26:63

Исус чӧв оліс. Аркирей шуис: «Ловъя Ен водзын висьтав миянлы, Тэ-ӧ Кристос, Ен Пи».

Руфа 1:17

Кӧні тэ кулан, сэні и ме кула, сэтчӧ мед менӧ и дзебасны. Господь мед чорыда мыждас менӧ, кулӧмысь ӧтдор кӧ мыйкӧ торйӧдас тэа-меаӧс».

Ӧксыяслӧн 1 небӧг 14:44

Саул воча шуис: «Енмыс мед ёна мыждас менӧ, тэ кӧ, Ионафан, талун он кув».

Ӧксыяслӧн 1 небӧг 20:13

Господь мед ёна мыждас менӧ, ог кӧ ме юӧрт, мый батьӧй лёктор кӧсйӧ вӧчны тэныд, да ог кӧ отсав тэныд мунны лӧнь сьӧлӧмӧн. Господь мед лоас тэкӧд, кыдзи Сійӧ вӧлі менам батькӧд.

Ӧксыяслӧн 1 небӧг 25:22

Енмыс мед ёна мыждас менӧ, ме кӧ асылӧдзыс ог бырӧд Навал керкаысь став айуловсӧ».

Ӧксыяслӧн 1 небӧг 3:16

Но Илий корис Самуилӧс ас дорас да шуис: «Самуил пиӧй». Мӧдыс шуис: «Ме тані».