Ӧксыяслӧн 1 небӧг 3:13 - Коми Библия 2023

¹³ Ме шулі Илийлы, мый Ме мыжда сылысь рӧдсӧ пыр кежлӧ. Мыжда сыысь, мый сійӧ тӧдіс пияныслысь пеж вӧчӧмсӧ, но эз ӧлӧд найӧс.

Ӧксыяслӧн 1 небӧг 3:13 ပူးပေါင်းရင်းမြစ်များ

Ӧксыяслӧн 3 небӧг 1:6

Давид некор эз шуасьлы Адоний пиыс вылӧ да эз ӧлӧдлыв сійӧс. Адоний вӧлі зэв мича, Давидлӧн сійӧ чужис Авессалом бӧрся.

Ӧксыяслӧн 3 небӧг 2:44

Сэсся ӧксы шуис Шимейлы: «Тэ ачыд тӧдан, кутшӧм лёктор тэ вӧчин менам Давид батьлы. Господь мед бергӧдас лёк вӧчӧмтӧ ас вылад.

2 Каднебӧг 20:12

Миян Енмӧй, мыжды найӧс. Ми абу сэтшӧм вынаӧсь, медым вермим паныд сувтны тайӧ уна лыда тышкайӧзыслы. Ми огӧ тӧдӧй, мый миянлы вӧчны, но Тэлань ми кыпӧдам синнымӧс!»

Шусьӧгъяс 19:18

Эм на кӧ лачаыд, чирышт питӧ, сылӧн горзӧмысь эн скӧрмы.

Шусьӧгъяс 29:15

Ньӧр да ӧлӧдӧм сетӧны мывкыдлун, дӧзьӧртӧг быдмӧм зон янӧдӧ мамсӧ.

Еклесиаст 7:22

Тэ ӧд сьӧлӧмад тӧдан, мый тэ ачыд мукӧдсӧ унаысь лёкӧдлін.

Езекиль 18:30

Израиль войтыр, Ме кута мыждыны тіянӧс олан туйныд серти, – висьталӧ Господь Ыджыдыс. – Бергӧдчӧй мыжъяссьыныд, медым энӧ крукасьӧй мыжныд понда.

Езекиль 7:3

Израиль, тэныд воис пом. Ме кисьта тэ вылӧ Ассьым скӧрлунӧс, мыжда тэнӧ олан туйыд серти, мынтыся зывӧк вӧчӧмсьыд.

Йоиль 3:12

Мед кыпӧдчасны войтыръяс, мед локтасны Иосафат ковтысӧ. Сэні Ме пукся, медым мыждыны войтыръясӧс.

Матвей 10:37

Кодлы бать-мамыс Ме дорысь мусаджык, Меным сійӧ оз шогмы. Кодлы ныв-пиыс Ме дорысь мусаджык, Меным сійӧ оз шогмы.

Индӧд 17:12

Но коді кутас ышнясьны да оз кывзысь поплысь, коді кесъялӧ сэні Господь Енныд водзын, либӧ оз кывзысь [сійӧ кадас уджалысь] ёрдысьлысь, сійӧс колӧ вины. Бырӧдӧй Израильысь лёксӧ.

Индӧд 21:18

Асныра да паныд кыпӧдчысь пиӧс, коді оз кывзы бать-мамыслысь ӧлӧдӧмсӧ да оз сибӧд налысь чирыштӧмсӧ,

Ӧксыяслӧн 1 небӧг 2:12

Илийлӧн пияныс вӧліны шогмытӧм йӧз, найӧ эз тӧдны Господьӧс

Ӧксыяслӧн 1 небӧг 2:17

Илий пиянлӧн мыжыс Господь водзын вӧлі зэв ыджыд, ӧд найӧ эз пыдди пуктыны Господьлы вись вайӧмсӧ.