Ӧксыяслӧн 1 небӧг 29:9 - Коми Библия 2023

⁹ Акиш вочавидзис: «Тӧд, тэ меным Енлӧн андел кодь бур. Но филистимса юралысьяс шуисны, мый тэныд оз позь миянкӧд ӧтвыв петны тышӧ.

Ӧксыяслӧн 1 небӧг 29:9 ပူးပေါင်းရင်းမြစ်များ

Ӧксыяслӧн 2 небӧг 14:17

Ме, тэнад кесйӧг, аслым шуи: ”Мед ӧксылӧн, менам ыджыдлӧн, шуӧмыс бурӧдас-лӧньӧдас менӧ. Ӧд менам ӧксыӧй-ыджыдӧй Енлӧн андел кодь, кужӧ торйӧдны бурсӧ лёксьыс”. Ӧксыӧй, мед Господь, тэнад Енмыд, лоӧ тэкӧд!»

Ӧксыяслӧн 2 небӧг 14:20

Сійӧ вӧчис тадзи, мед мӧдар боксянь петкӧдлыны тэныд тайӧ лоӧмторсӧ. Но тэ, ыджыдӧй, Енлӧн андел кодь ыджыд мывкыдлуна. Тӧдан ставсӧ, мый вӧчсьӧ тайӧ муас».

Ӧксыяслӧн 2 небӧг 19:27

Но кесйӧгӧй лёкӧдіс менӧ тэ водзын. Тэ, ӧксыӧй-ыджыдӧй, Енлӧн андел кодь. Вӧч, мый кӧсъян.

Галатӧ 4:14

Висьӧмӧй вылӧ видзӧдтӧг ті сибӧдінныд менӧ, энӧ кедзовтӧй да энӧ эновтӧй. Сибӧдінныд Ен анделӧс моз, Исус Кристосӧс моз.

Ӧксыяслӧн 1 небӧг 29:4

Филистимса юралысьяс скӧрмисны Акиш вылӧ да шуисны: «Ысты сійӧс бӧр. Мед мунас сэтчӧ, кытчӧ тэ сійӧс овмӧдін. Сылы оз позь миянкӧд ӧтвыв петны тышӧ, вермас миянлы паныд сувтны. Сэсся миянӧс виалӧмнас бурмӧдас аслас ыджыдлысь сьӧлӧмсӧ.