Ӧксыяслӧн 1 небӧг 29:6 - Коми Библия 2023

⁶ Акиш корис Давидӧс да шуис: «Ловъя Господь водзын шуа, мый тэ веськыд морт, и ме эськӧ кӧсйи, мед тэ ветлін мекӧд тышъясӧ. Локтӧмсяньыд тэ бура кесъялан меным, но мукӧд юралысьыс мустӧмтӧны тэнӧ.

Ӧксыяслӧн 1 небӧг 29:6 ပူးပေါင်းရင်းမြစ်များ

Олӧм 16:6

Ӧврам шуис Саралы: «Тэнад кесйӧгыд аслад киын, мый кӧсъян, сійӧс и вӧч». Сара кутіс дзескӧдны Агарӧс, и сійӧ пышйис.

Ӧксыяслӧн 2 небӧг 3:25

Тэ ӧд тӧдан Нирлысь Авенир писӧ. Сійӧ пӧръясьӧ. Воліс, мед тӧдмавны тэнад ветлӧм-мунӧм йылысь, и ставсӧ, мый тэ вӧчан».

Ӧксыяслӧн 4 небӧг 19:27

Ме тӧда тэ йылысь ставсӧ: пукалан-ӧ, пыран-ӧ, петан-ӧ. Ме тӧда Меным паныд кыпӧдчӧмтӧ.

Псалтыр 121:8

Аслам вокъяс да матыссаяс вӧсна ме шуа: «Лӧнь олӧм тэныд!»

Исай 37:28

Ме тӧда тэ йылысь ставсӧ: пукалан-ӧ, пыран-ӧ, петан-ӧ. Ме тӧда Меным паныд кыпӧдчӧмтӧ.

Исай 65:16

Коді бурсиас асьсӧ тайӧ муас, сійӧ бурсиас асьсӧ збыль Ен нимӧн. Коді кыв сетас тайӧ муас, сійӧ кыв сетас збыль Ен водзын. Важ шогъяссӧ лоӧ вунӧдӧма, водзӧ найӧ оз нин лоны Менам син водзын.

Еремей 12:16

Найӧ кӧ велӧдчасны овны, кыдзи Ме тшӧкті овны Аслам войтырлы, велӧдчасны кӧ кыв сетны ловъя Господь водзын, кыдзи найӧ велӧдісны Менсьым войтырӧс кыв сетны Ваал идол водзын, сэки найӧ вужъясясны Менам войтыр пӧвстӧ.

Лыд 27:17

коді мунас на водзвылын да нуӧдас найӧс, медым Господьлӧн войтырыс эз вӧвны видзысьтӧг кольӧм ыжъяс кодьӧсь».

Матвей 5:16

Тадзи мед югдӧдас тіян югыдныд, медым йӧзыс аддзасны тіянлысь бур вӧчӧмнытӧ да ошкасны енэжвыв Батьнытӧ».

Индӧд 10:20

Полӧй Господьысь, асланыд Енмысь, Сылы [ӧтнаслы] кесъялӧй, Сы дінӧ кутчысьӧй да Сылӧн нимӧн кӧсйысьӧй.

Нав Исус 22:30

Пинес поп, сыкӧд локтысь войтырлӧн юралысьяс да израильса рӧдкутысьяс кор кылісны Рувимсянь, Гадсянь да Манассейсянь чужысьяслысь кывъяссӧ, шуисны, бур пӧ.

1 Петыр 2:12

Ентӧдтӧмъяс пӧвстын олӧй бур ногӧн. Сэки найӧ, кодъяс омӧльтӧмӧн шуӧны тіянӧс лёк вӧчысьясӧн, аддзасны бур вӧчӧмнытӧ да ошкасны Енсӧ Сылӧн локтігас.

1 Петыр 3:16

Олӧй сідзи, мед сьӧлӧмныд эз мыжды тіянӧс. Сэки найӧ, кодъяс лёкӧдӧны тіянӧс лёк вӧчысьӧс моз Кристоскӧд бур нога олӧмысь, яналасны асланыс кывъясысь.

Ӧксыяслӧн 1 небӧг 20:3

Давид эскӧдӧмӧн шуаліс: «Тэнад батьыд бура тӧдӧ, мый ме тэныд муса. Сійӧ оз висьтав тэныд ассьыс мӧвпыштӧмсӧ, мед тэ эн шогсьы. Но ловъя Господь водзын да тэ водзын шуа: кулӧмӧдзыс меным ӧти воськов».

Ӧксыяслӧн 1 небӧг 28:10

Господь нимӧн кӧсйысьӧмӧн Саул шуис: «Ловъя Господь водзын кыв сета: тэныд таысь лёкыс оз ло».

Ӧксыяслӧн 1 небӧг 29:3

Филистимса юралысьяс кутісны шуасьны: «Мыйсяма еврейяс мунӧны миянкӧд?» Акиш вочавидзис налы: «Онӧ ӧмӧй тӧдӧй? Тайӧ ӧд Давид, израильса Саул ӧксылӧн кесйӧгыс. Сійӧ воысь дырджык нин олӧ ме дорын да локтӧмсяньыс бура кесъялӧ меным».

Ӧксыяслӧн 1 небӧг 29:7

Бӧр бергӧдчы, мед оз скӧрмыны найӧ. Мун лӧнь сьӧлӧмӧн».

Ӧксыяслӧн 1 небӧг 5:8

Найӧ чукӧртісны ас дінаныс филистимса став юралысьсӧ да юалісны: «Мый миянлы вӧчны Израиль Енлӧн кудйыскӧд?» Юралысьяс тшӧктісны нуны кудсӧ Гефӧ. И нуисны Израиль Енлысь кудсӧ Гефӧ.