Ӧксыяслӧн 1 небӧг 29:4 - Коми Библия 2023

⁴ Филистимса юралысьяс скӧрмисны Акиш вылӧ да шуисны: «Ысты сійӧс бӧр. Мед мунас сэтчӧ, кытчӧ тэ сійӧс овмӧдін. Сылы оз позь миянкӧд ӧтвыв петны тышӧ, вермас миянлы паныд сувтны. Сэсся миянӧс виалӧмнас бурмӧдас аслас ыджыдлысь сьӧлӧмсӧ.

Ӧксыяслӧн 1 небӧг 29:4 ပူးပေါင်းရင်းမြစ်များ

1 Каднебӧг 12:19

Манассей чужанкотырысь йӧз вуджисны Давид дор, кор Давид филистимсаяскӧд петіс тышӧ Сауллы паныд. Но Давид да сылӧн йӧзыс эз отсасьны филистимсаяслы, ӧд филистимса юралысьяс ас костаныс сёрнитчӧм бӧрын ыстісны Давидӧс ас дінсьыныс. Найӧ шуисны: «Сійӧ вермас вуджны Саул ыджыдыс дінӧ, и ми вермам воштыны ассьыным юрнымӧс».

1 Каднебӧг 12:20

Кор Давид бӧр мӧдӧдчис Сиклагӧ, сы дор вуджисны Манассей чужанкотырысь Аднах, Иозавад, Едиэл, Микаил, Иозавад, Элиху да Цилтай. Тайӧ вӧліны Манассей чужанкотырысь сюрс тышкамортӧн веськӧдлысьяс.

Петӧм 1:10

Медым найӧ водзӧ оз рӧдмыны, колӧ миянлы мыйкӧ вӧчны. Ӧд пансяс кӧ тыш, найӧ вермасны ӧтувтчыны миян вӧрӧгкӧд, уськӧдчыны миян вылӧ да петны миян муысь».

Лука 16:8

Ыджыдыс ошкыштас пӧръялысь овмӧс нуӧдысьӧс сылӧн сюсьлунысь. Тайӧ муюгыдса пияныс ас костаныс сюсьджыкӧсь югыдыслӧн пиян дорысь.

Ӧксыяслӧн 1 небӧг 14:21

Еврейяс, кодъяс водзынсӧ вӧліны филистимса дор да ветлывлісны накӧд тышӧ, вуджисны Сауллӧн да Ионафанлӧн йӧз дінӧ, асланыс Израиль войтыр дінӧ.

Ӧксыяслӧн 1 небӧг 27:6

Сэки Акиш сетіс Давидлы Сиклаг кар. Тайӧ карас ӧнӧдз веськӧдлӧны Иуда войтырлӧн ӧксыяс.

Ӧксыяслӧн 1 небӧг 29:9

Акиш вочавидзис: «Тӧд, тэ меным Енлӧн андел кодь бур. Но филистимса юралысьяс шуисны, мый тэныд оз позь миянкӧд ӧтвыв петны тышӧ.

Ӧксыяслӧн 1 небӧг 30:1

Куим лун чӧж Давид аслас йӧзкӧд воӧдчис Сиклагӧ. Сэккості амаликъяс уськӧдчисны Негев му да Сиклаг кар вылӧ. Сиклаг карсӧ найӧ пасьвартісны да сотісны.