Ӧксыяслӧн 1 небӧг 29:1 - Коми Библия 2023

¹ Филистимсаяс чукӧртісны став ассьыныс тышкайӧзсӧ Афекӧ, а израильсаяс сувтісны чукӧрнас Изреельӧ ва петанін дорӧ.

Ӧксыяслӧн 1 небӧг 29:1 ပူးပေါင်းရင်းမြစ်များ

Ӧксыяслӧн 2 небӧг 2:9

Сэні пуктіс сійӧс ӧксыавны Галаадын, Ашурын, Изреельын, Ефрем да Венямин чужанкотыръясын да став Израильын.

Ӧксыяслӧн 2 небӧг 5:17

Кор филистимсаяс тӧдмалісны, мый Давидӧс мавтыштӧмӧн пуктӧма ӧксыӧ Израиль войтырлы, сэки петісны корсьны сійӧс. Та йылысь кылӧм бӧрын Давид муніс изкарӧ.

Ӧксыяслӧн 3 небӧг 20:30

а ловйӧн кольӧм кызь сизим сюрс морт пышйисны Афек карӧ. Сэні на вылӧ усис карса стенмыс. Ачыс Бен-Хадад пышйис карас, и вежӧсысь вежӧсӧ котралӧмӧн сійӧ корсис дзебсянін.

Ӧксыяслӧн 3 небӧг 21:1

Регыд мысти лои татшӧмтор. Самарияса Ахав ӧксылӧн Изреельын вӧлі ӧксы керка. Ӧксы керкакӧд орччӧн вӧлі изреельса Навотлӧн виноград йӧрыс.

Ӧксыяслӧн 3 небӧг 21:23

Езавель йылысь Господь шуӧ: ”Езавельлысь шойсӧ сёясны понъяс Изреель кар сайын.

Ӧксыяслӧн 4 небӧг 9:30

Еху локтіс Изреельӧ. Кор Езавель тӧдмаліс став лоӧмтор йывсьыс, мавтіс синсӧ, баситіс-лӧсьӧдіс юрсисӧ да сувтіс видзӧдны ӧшинь дорас.

Ӧксыяслӧн 4 небӧг 9:36

Кор локтісны да висьталісны та йылысь Ехулы, сійӧ шуис: «Господьлӧн шуӧмыс иніс. Аслас тишбиса Илля кесйӧг пыр Господь шуліс: ”Изреель кар сайын понъяс сёясны Езавельлысь шойсӧ.

Псалтыр 83:7

Бӧрдан сёртасӧд мунысьяслы воссьӧ сэні ва петанін, зэрыс кисьтӧ сэні бурсиӧмсӧ.

Нав Исус 12:18

Афек, Шарон,

Нав Исус 17:16

Ӧсипсянь чужысьяс шуисны: «Тайӧ керӧсвыв муас миянлы дзескыд. Но ковтысын олӧны ханаансаяс, и налӧн эмӧсь тышӧ ветлан тарантасъяс Бет-Шеанын, сыгӧгӧрса сиктъясын да Изреель ковтысын».

Нав Исус 19:18

Налы вичмисны Изреель, Кесуллот, Шунем,

Нав Исус 19:30

Умма, Афек да Рехов каръяс. Ставнас налы вичмисны кызь кык кар да нагӧгӧрса сиктъяс.

Ёрдысьяс 6:33

Мадиансаяс, амалик войтыр да асыввылын олысь войтыр чукӧртчисны, вуджисны Йӧрдан ю да сувтісны Изреель ковтысӧ.

Ёрдысьяс 7:1

Водз асывнас Гедеон, мӧд ногӧн кӧ, Ероваал, да став сылӧн тышкайӧзыс ӧтвылысь сувтісны Харод ва петанін бокӧ. Мадиансаяс сулалісны войвывладорас, ковтысын, Морэ нима керӧс дорын.

Ӧксыяслӧн 1 небӧг 28:25

Ставсӧ тайӧс вайис Сауллы да сылӧн кесйӧгъяслы. Найӧ сёйыштісны да сійӧ жӧ войнас мунісны.

Ӧксыяслӧн 1 небӧг 28:4

Филистимсаяс чукӧртчисны, локтісны Шунем карӧ да сувтісны сэтчӧ. Саул чукӧртіс израильса тышкайӧзӧс да сувтіс накӧд Гелву керӧс вылӧ.

Ӧксыяслӧн 1 небӧг 4:1

[Филистимсаяс чукӧртчисны, мед тышкасьны израильсаяскӧд.] Самуил сёрнитіс став Израиль войтыркӧд, и израильсаяс петісны тышӧ филистимсаяслы паныд. Израильса тышкайӧз сувтісны Эвен-Эзер бокӧ, а филистимсаяс – Афек бокӧ.