Ӧксыяслӧн 1 небӧг 28:8 - Коми Библия 2023

⁸ Саул вежис паськӧмсӧ, медым сійӧс эз тӧдны, босьтіс аскӧдыс кык мортӧс да петіс туйӧ. Войнас сійӧ локтіс ань дорӧ да шуис: «Кора тэнӧ, тунав меным. Кор меным ловсӧ сылысь, кодлысь нимсӧ ме шуа».

Ӧксыяслӧн 1 небӧг 28:8 ပူးပေါင်းရင်းမြစ်များ

Ӧксыяслӧн 3 небӧг 22:30

Израильса ӧксы шуис Иосафатлы: «Ме пета тышӧ мӧд паськӧмӧн, мед менӧ оз тӧдны. А тэ пет аслад паськӧмнад». Израильса ӧксы вежис паськӧмсӧ да петіс тышӧ.

Ӧксыяслӧн 3 небӧг 22:34

Но ӧти тышкаморт зэвтіс ассьыс ньӧввужсӧ да ылӧсас лэдзис ньӧвсӧ. Ньӧвйыс сатшис израильса Ахав ӧксылы кӧрт паськӧм костӧдыс. Ӧксы горӧдіс аслас тарантасӧн веськӧдлысьлы: «Бӧр бергӧдчы! Петкӧд менӧ тыш вывсьыс! Менӧ дойдісны».

1 Каднебӧг 10:13

Тадзи куліс Саул, ӧд сійӧ эновтіс Господьӧс. Сійӧ мыж вӧчис Господьлы паныд, эз ов Господьлӧн кыв серти, но туйдӧдӧмла шыасис кулӧмаӧс корысь ань дінӧ,

2 Каднебӧг 18:29

Израильса ӧксы шуис Иосафатлы: «Ме пета тышӧ мӧд паськӧмӧн, мед менӧ оз тӧдны. А тэ пет аслад паськӧмнад». Израильса ӧксы вежис паськӧмсӧ, и найӧ петісны тышӧ.

2 Каднебӧг 35:22

Но Иосей дасьтысис тыш кежлӧ, эз бӧрыньтчы. Сійӧ эз кывзы Неколысь Енсянь висьталӧм кывъяссӧ, и Мегиддо ковтысын паніс тыш.

Исай 8:19

Тіянлы тшӧктасны шыасьны кулӧмаӧс корысьяс да туналысьяс дінӧ, кодъяс вашкӧдчӧны-шӧпкӧдчӧны. Но оз ӧмӧй ков войтырыслы шыасьны асланыс Ен дінӧ! Кулӧмаяслысь ӧмӧй колӧ юасьны ловъяяс йылысь?

Еремей 23:24

Вермас ӧмӧй мортыс дзебсьыны, медым Ме эг аддзы сійӧс? – висьталӧ Господь. – Ме ӧмӧй абу быдлаын, енэжас и му вылас? – висьталӧ Господь.

Езекиль 12:6

Пемдігас налӧн син водзын босьт ноптӧ пельпом вылад да петкӧд сійӧс. Шогалысь моз тупкы чужӧмтӧ, медым эн аддзы мусӧ, ӧд тэнӧ Ме пукті Израиль войтырлы пасӧн».

Иоан 3:19

Мыждӧмыс сыын, мый му вылас локтіс югыдыс, но йӧзыслы мусаджык вӧлі пемыдыс, ӧд налӧн уджъясыс лёкӧсь.