Ӧксыяслӧн 1 небӧг 28:6 - Коми Библия 2023

⁶ Сэки сійӧ шыасис Господь дінӧ, но Господь сылы эз вочавидз вӧт пыр ни уримӧн пудъясьӧм пыр, весиг пророкъяс пыр.

Ӧксыяслӧн 1 небӧг 28:6 ပူးပေါင်းရင်းမြစ်များ

Ӧксыяслӧн 2 небӧг 22:42

Найӧ горзӧны, но мездысьыс абу, шыасьӧны Господь дінӧ, но Сійӧ оз вочавидз.

Псалтыр 74:9

Господь киын чашаыс, сэні быгзьӧ чорыд вина. Сійӧ кисьталӧ сэтысь лёк вӧчысьяслы, и найӧ юӧны, юӧны весиг пыдӧссьыс став гудырсӧ.

Петӧм 28:20

нёльӧд визяс – хризолит, оникс да яшма изъяс. Став изсӧ доргӧгӧрав зарниӧн.

Петӧм 28:30

Веськыда мыждӧмсӧ петкӧдлан морӧсводзӧ сюй урим да туммим. Тадзи найӧ лоасны Ааронлӧн сьӧлӧм бердас, кор сійӧ [вежаинӧ пыригӧн] локтас Господь водзӧ. Господь водзӧ локтігӧн моросводзсӧ Аарон мед пыр кутас новлӧдлыны сьӧлӧм бердас. Морӧсводзыс петкӧдлӧ Израиль пиянлы веськыда мыждӧмсӧ.

Шусьӧгъяс 27:1

Аскиа луныс мый ваяс – он тӧд, сідзкӧ, водзвывсӧ эн ошйысь.

Еремей 23:28

Пророк, коді аддзыліс вӧт, мед висьталӧ сійӧс вӧтӧс моз, а пророк, кодлы вӧлі Месянь кыв, мед висьталӧ Менсьым кывйӧс веськыда». Позяс-ӧ идзас ӧткодявны шобді туськӧд? – висьталӧ Господь. –

Бӧрданкыв 2:9

Карса дзиръяяс муас вӧйисны, иган-тасъяссӧ Сійӧ пасьйис. Ӧксы да юралысьяс олӧны мукӧд войтыр пӧвстын, Енлысь Индӧдсӧ оз велӧдны, Господьсянь петкӧдчылӧмыс пророкъяслы абу.

Йоиль 2:28

– Тайӧ лунъяс бӧрын Ме кисьта Ассьым Лолӧс быд морт вылӧ. Тіян пиянныд да нывъясныд пондасны пророкавны, олӧмаяс пондасны вӧтавны збыльмана вӧтъяс, зонъясныд кутасны аддзыны Енсянь петкӧдчылӧмъяс.

Левит 8:8

Сэсся пасьтӧдіс морӧсводз, морӧсводзас сюйис урим да туммим.

Микей 3:7

Яндзим лоӧ тӧдысь-аддзысьяслы, яналасны водзвыв висьталысьяс, найӧ ставныс тупкасны чужӧмнысӧ, ӧд Енсянь вочавидзӧмыс оз ло.

Лыд 12:6

Господь шуис: «Кывзӧй Менсьым кывъясӧс. Эм кӧ тіян пӧвстын Менам пророк, сылы Ме восся петкӧдчылӧм пыр да сёрнита сыкӧд вӧтас.

Лыд 27:21

Нав Исус кутас шыасьны Элазар поп дінӧ, а поп кутас юасьны Господьлысь урим пыр. Господьлӧн шуӧм серти войтырыскӧд сійӧ кутас петны тышӧ, и Господьлӧн шуӧм серти бӧр локны тыш вылысь».

Матвей 1:20

Кор Ӧсип мӧвпаліс тадзи, Господьлӧн андел петкӧдчис сылы вӧтас да шуис: «Ӧсип, Давид пи, эн пов босьтны Мариятӧ гӧтырӧ. Сьӧлӧм улас сылӧн кагаыс Вежа Ловсянь.

Иоан 9:31

Ми тӧдам, мый Ен оз кывзы мыжаясӧс. Но коді бурӧ пуктӧ Енсӧ да олӧ Сылӧн кӧсйӧм серти, Енмыс кывзӧ сійӧс.

Индӧд 33:8

Левий чужанкотыр йылысь Мӧисей шуис: – Туммимтӧ да уримтӧ Тэ сетін Аслад эскана кесъялысьлы, Тэ тӧдмалін сійӧс Массаын, вензин сыкӧд Мерива ва петанін дорын.

Яков 4:3

А коранныд кӧ, тіянлы оз ло сетӧма, ӧд ті онӧ бур вылӧ корӧй. Ті кӧсъянныд могмӧдны сӧмын ассьыныд ыштӧмтӧ.

Ӧксыяслӧн 1 небӧг 14:37

Саул кевмысигас юаліс Енлысь: «Вӧтӧдны-ӧ меным филистимсаясӧс? Сетан-ӧ найӧс Израиль киӧ?» Но Енмыс сійӧ лунӧ эз вочавидз сылы.

Ӧксыяслӧн 1 небӧг 28:15

Самуил шуис Сауллы: «Мыйла тэ менӧ вӧрӧдан, корин локны?» Саул вочавидзис: «Меным зэв сьӧкыд. Филистимсаяс тыш панісны, а Енмыс вешйис ме дінысь. Сійӧ оз вочавидз меным пророкъяс пыр ни вӧт пыр [ни петкӧдчылӧм пыр]. Ме кори тэнӧ, мед тэ висьталін, мый меным вӧчны».

Ӧксыяслӧн 1 небӧг 28:5

Саул кор аддзис филистимса тышкайӧзӧс, ёна повзис, сьӧлӧмыс чеччыны кутіс.