Ӧксыяслӧн 1 небӧг 25:19 - Коми Библия 2023

¹⁹ Кесйӧгъясыслы Авигея шуис: «Мунӧй ме водзвылын, а ме муна тіян бӧрся». Но аслас Навал верӧслы нинӧм эз висьтав.

Ӧксыяслӧн 1 небӧг 25:19 ပူးပေါင်းရင်းမြစ်များ

Олӧм 32:16

Быд пемӧс чукӧр дінӧ сувтӧдіс кесйӧгӧс да тшӧктіс мунны водзвылас, ӧта-мӧдсьыс торйӧн.

Олӧм 32:19

Тадзи шуны тшӧктіс быдӧнлы, коді пемӧсъясӧс вӧтлігас паныдасяс Исавкӧд.

Олӧм 32:20

Нӧшта тшӧктіс шуны, мый сылӧн Яков кесйӧгыс на бӧрся локтӧ. Ӧд Яков кӧсйис ас водзвылас ыстӧм козиннас небзьӧдны Исавлысь сьӧлӧмсӧ. Яков чайтіс, мый тадзи Исав сибӧдас сійӧс.

Олӧм 32:21

Сійӧ ыстіс козинъяссӧ водзвылас, а ачыс узьмӧдчис сувтанінас.

Шусьӧгъяс 31:27

Гортас ставыс сылӧн син улас, дась нянь вылын сійӧ оз ов.

Ӧксыяслӧн 1 небӧг 14:1

Ӧтчыд Сауллӧн Ионафан пиыс шуис шыпурт новлӧдлысь кесйӧгыслы: «Мунам сёртас мӧдарладорас филистимса тышкакотыр дінӧ». Но аслас батьыслы та йылысь эз висьтав.

Ӧксыяслӧн 1 небӧг 25:20

Осёл вылас керӧсысь лэччигӧн чукыль сайсянь Авигея аддзис, мый Давид аслас йӧзкӧд кайӧ сылы воча.

Ӧксыяслӧн 1 небӧг 25:36

Авигея локтіс гортас. Навал вӧлі лӧсьӧдӧма ӧксылы кодь ыджыд гаж. Сійӧ гажӧдчис да кодаліс. Авигея кыв эз шу сылы асылӧдзыс.