Ӧксыяслӧн 1 небӧг 24:14 - Коми Библия 2023

¹⁴ Важӧн шулӧмаӧсь, лёкыс пӧ петӧ лёк йӧзсянь. Но ме ог лэпты киӧс тэ вылӧ.

Ӧксыяслӧн 1 небӧг 24:14 ပူးပေါင်းရင်းမြစ်များ

Ӧксыяслӧн 2 небӧг 16:9

Саруялӧн Авишай пиыс шуис ӧксылы: «Кыдзи лысьтӧ тайӧ пон шойыс лёкӧдны тэнӧ, ӧксыӧй-ыджыдӧй! Муна да керышта сылысь юрсӧ».

Ӧксыяслӧн 2 небӧг 3:8

Ишвошетлӧн кывъясысь Авенир ёна скӧрмис да шуис: «Ме ӧмӧй Иуда чужанкотырлы кесъялысь пон? Талунӧдз ме век бура кесъялі Саул батьыдлӧн рӧдлы, сылӧн вокъяслы да сылӧн ёртъяслы. Ме эг сет тэнӧ Давид киӧ, а ӧні тэ мыжалан менӧ тайӧ ань вӧснаыс.

Ӧксыяслӧн 2 небӧг 6:20

Давид муніс гортас, мед бурсины гортсаяссӧ. Сылы воча петіс Сауллӧн Мелкола нылыс [чолӧмасис сыкӧд] да шуис: «Израильлӧн ӧксы талун янӧдіс асьсӧ. Тэ пасьтӧгыд чеччалін аслад йӧзлӧн кесйӧг аньяс водзын, асьтӧ йӧй туйӧ пуктін».

Ӧксыяслӧн 2 небӧг 9:8

Мепибошет копыртчӧмӧн шуис: «Коді ме сэтшӧмыс, мый тэ тӧждысян аслад кесйӧг вӧсна, татшӧм пон шой вӧсна?»

Ӧксыяслӧн 3 небӧг 21:7

Езавель гӧтырыс шуис: «Абу ӧмӧй тэ ӧксыыс Израильын? Чеччы, сёй да лӧнь. Ме сета тэныд изреельса Навотлысь виноград йӧрсӧ».

Осий 10:13

Ті кӧдзинныд пежсӧ, вундінныд лёксӧ, ті сёйинныд ылӧгыслысь вотӧссӧ, ӧд ті лача кутінныд асланыд туй вылӧ, уна лыда тышкайӧзныд вылӧ.

Ӧксыяслӧн 1 небӧг 17:43

Сійӧ шуис: «Ме вылӧ беддьӧн [да изйӧн] петін? Ме ӧмӧй пон?» [Давид вочавидзис: «Абу, но тэ понйысь на лёк».] Сэки филистимса ёрис Давидӧс аслас енъясӧн.

Ӧксыяслӧн 1 небӧг 26:20

Менам вирӧй мед оз киссьы Господьысь ылын. Мыйла израильса ӧксы петӧма корсьны кутшӧмкӧ пытшӧс, вӧтлысьӧ керӧсъясӧд быттьӧ байдӧг бӧрся?»