Ӧксыяслӧн 1 небӧг 24:12 - Коми Библия 2023

¹² Видзӧдлы, батьӧй, менам киын тэнад паськӧм дорышыд. Ме вундішті тэнсьыд паськӧмтӧ, но асьтӧ тэнӧ эг ви. Тӧд, ме ог кӧсйы тэныд лёксӧ и ог мун тэныд паныд. Ме абу мыжа тэ водзын, но тэ кӧсъян вины менӧ.

Ӧксыяслӧн 1 небӧг 24:12 ပူးပေါင်းရင်းမြစ်များ

Олӧм 16:5

Сара шуис Ӧврамлы: «Тэ мыжа менӧ увтыртӧмысь. Ме сеті кесйӧг аньӧс тэныд, а сійӧ кынӧмасьӧм бӧрас кутіс нинӧмӧ пуктыны менӧ. Господь мед лоас ёрдысьӧн тэа-меа костын».

Олӧм 31:53

Миян костын ёрдысьыс Ӧвраамлӧн да Нахорлӧн Ен, налӧн батьлӧн Ен». Яков кыв сетіс Ен водзын, кодысь поліс сылӧн Исаак батьыс.

Ӧксыяслӧн 2 небӧг 22:48

Тэ – водзӧс перйысь Ен, Тэ сетан менам кипод улӧ войтыръясӧс,

1 Каднебӧг 12:18

Сэки Енлӧн Лолыс лэччис Амасай вылӧ, комын тышкамортӧн веськӧдлысь вылӧ, и сійӧ шуис: Ми – тэнад йӧз, Давид, ми тэкӧд, Ессейлӧн пи! Лӧнь олӧм тэныд, лӧнь олӧм тэнад отсасьысьяслы! Тэнад Енмыд отсалӧ тэныд. Давид сибӧдіс локтысьясӧс да пуктіс найӧс веськӧдлыны тышкайӧзӧн.

Иов 5:8

Тэ местаын ме эськӧ корси Енмӧс, шыаси Сы дінӧ,

Псалтыр 35:1

Сьылысьясӧн веськӧдлысьлы. Давидлӧн, Господьлӧн кесйӧглӧн, сьыланкыв.

Псалтыр 43:1

Сьылысьясӧн веськӧдлысьлы. Корей пиянлӧн сьыланкыв.

Псалтыр 94:1

Локтӧй, сьыламӧй Господьлы, кыпыда сьылӧмӧн ошкамӧй Сійӧс, Сійӧ – миян мездмӧмлӧн зумыд подулыс.

Римӧ 12:19

Мусаяс, энӧ перйӧй водзӧс ас вӧснаныд, сетӧй тайӧс вӧчны Енлӧн скӧрлунлы. Ӧд гижӧма: «Ме водзӧс перъя, Ме мынтыся, – висьталӧ Господь. –

1 Петыр 2:23

Сійӧс лёкӧдігӧн Сійӧ воча эз лёкӧд. Сьӧкыдсӧ нуигӧн эз кӧсйысь мынтысьны лёк вӧчӧмӧн, а ставсӧ сетіс веськыда Мыждысьлы.

Восьтӧм 6:10

Найӧ гораа горӧдісны: «Вежа да збыль Ыджыдӧй! Кор нин Тэ мыждан мувывса олысьясӧс да перъян налысь водзӧссӧ миян вир вӧсна?»

Ёрдысьяс 11:27

Тэ водзын ме абу мыжа. Лёксӧ вӧчин тэ, кор петін тышӧ меным паныд. Господь – Ёрдысьыс. Сійӧ мед Ачыс талун лоас Израиль пиян да аммонсаяс костын ёрдысьнас!»

Ӧксыяслӧн 1 небӧг 20:1

Давид пышйис рамаса Найотысь да локтіс Ионафан дінӧ норасьӧмӧн: «Мый ме сэтшӧмсӧ вӧчи тэнад батьлы? Кутшӧм мыж вӧсна сійӧ кӧсйӧ вины менӧ?»

Ӧксыяслӧн 1 небӧг 24:15

Кодлы паныд петін тэ, Израильлӧн ӧксы? Код бӧрся тэ вӧтлысян? Пон шой бӧрся? Кутшӧмкӧ пытш бӧрся?

Ӧксыяслӧн 1 небӧг 26:23

Господь быдӧнлы мынтысьӧ мортыслӧн веськыдлун да эсканлун серти. Талун Господь сетіс тэнӧ менам киӧ, но ме эг лэпты киӧс Господьлӧн мавтыштӧма вылӧ.