Ӧксыяслӧн 1 небӧг 22:7 - Коми Библия 2023

⁷ Саул шуис сійӧс кытшалысь кесйӧгъяслы: «Кывзӧй, Венямин пиян. Ті чайтанныд, мый Ессей пи сетас тіянлы ставныдлы видз-му да виноград йӧръяс, пуктас ставнытӧ сюрс да сё тышкамортӧн веськӧдлыны?

Ӧксыяслӧн 1 небӧг 22:7 ပူးပေါင်းရင်းမြစ်များ

Ӧксыяслӧн 2 небӧг 18:1

Давид чукӧртіс ассьыс тышкайӧзсӧ да пуктіс налы сюрсӧн да сёӧн веськӧдлысьясӧс.

Ӧксыяслӧн 2 небӧг 20:1

Вензьысьяс пӧвстын вӧлі Венямин чужанкотырысь Бикрилӧн Шевей пиыс. Сійӧ вӧлі лёк морт. Шевей букӧстіс буксанӧн да горӧдіс: «Давид миянлы некод! Ессей пикӧд миянӧс нинӧм оз йит! Израиль войтыр, мунӧй быдӧн асланыд чомйӧ!»

Ӧксыяслӧн 3 небӧг 12:16

Кор Израиль войтыр гӧгӧрвоис, мый ӧксы оз кывзы найӧс, сэки найӧ шуисны сылы: «Миянӧс нинӧм оз йит Давидкӧд. Миянлы нинӧм вӧчны Ессейлӧн пикӧд. Мунамӧй гортӧ, Израиль войтыр! Давидлӧн рӧдыс мед ачыс тӧждысяс ас вӧснаыс!» Сэсся израильсаяс разӧдчисны гортаныс.

1 Каднебӧг 12:16

Венямин да Иуда чужанкотырысь йӧз локтісны Давид дінӧ, сылӧн дзебсясянінӧ.

Исай 11:1

Ессей вужсянь чужас выль петас, сылӧн вужсянь быдмас вотӧса вож.

Исай 11:10

Сійӧ лунӧ Ессейлӧн вужйыс лоӧ дӧрапасӧн войтыръяслы, найӧ шыасясны Ессейлӧн вужйыс дінӧ, и сылысь шойччанінсӧ вевттяс дзирдлун.

Ӧксыяслӧн 1 небӧг 18:14

и быдлаын вермыліс, ӧд Господь вӧлі сыкӧд.

Ӧксыяслӧн 1 небӧг 20:27

Мӧд луннас выль тӧлысь пасйигӧн пызан сайын Давидлӧн местаыс бара вӧлі куш. Сэки Саул юаліс Ионафан пиыслысь: «Мыйла Ессейлӧн пиыс тӧрыт ни талун абу пызан сайын?»

Ӧксыяслӧн 1 небӧг 20:30

Саул ёна скӧрмис Ионафан вылӧ да шуис: «Шогмытӧм да кывзысьтӧм пи! Ме ӧмӧй ог тӧд, мый тэ ёртасян Ессей пикӧд. Тэ асьтӧ янӧдан и мамтӧ тшӧтш.

Ӧксыяслӧн 1 небӧг 22:13

Саул юаліс: «Мый вӧсна ті Ессей пикӧд сёрнитчинныд меным паныд? Тэ сетін сылы нянь да шыпурт, нӧшта корин Енмӧс туйдӧдны сійӧс, медым ӧні сійӧ меным паныд кыпӧдчис да тывйыштіс менӧ».

Ӧксыяслӧн 1 небӧг 22:9

Эдомса Доик сулаліс Сауллӧн кесйӧгъяс пӧвстын. Сійӧ шуис: «Ме аддзылі, кыдзи Ессейлӧн пиыс воліс Новӧ Ахитувлӧн Ахимелек пи дінӧ.

Ӧксыяслӧн 1 небӧг 25:10

Навал [чеччыштіс да] шуис Давидлӧн кесйӧгъяслы: «Коді сэтшӧм Давидыс? Коді сійӧ Ессейлӧн пиыс? Ӧні вывті уна кесйӧг пышъялӧны асланыс ыджыдъясысь.