Ӧксыяслӧн 1 небӧг 22:23 - Коми Библия 2023

²³ Кольччы мекӧд. Тэнӧ виысь корсьӧ вины тшӧтш менӧ. Эн пов. Ме доръя тэнӧ».

Ӧксыяслӧн 1 небӧг 22:23 ပူးပေါင်းရင်းမြစ်များ

Ӧксыяслӧн 2 небӧг 9:7

Давид шуис: «Эн пов. Тэнад Ионафан батьыд вӧсна ме лоа бур сьӧлӧма тэ дінӧ. Ме тэныд бӧр сета Саул пӧльыдлысь видз-мусӧ. А ачыд тэ кутан сёйны-юны менам пызан сайын».

Ӧксыяслӧн 3 небӧг 1:7

Адоний сёрнитчис Саруялӧн Йоав пикӧд да Авиатар попкӧд, и найӧ вӧліны Адоний дор.

Ӧксыяслӧн 3 небӧг 2:26

Авиатар поплы ӧксы шуис: «Мун бӧр Анатотӧ да вӧдит ассьыд видз-мутӧ. Тэнӧ эськӧ тшӧтш колӧ вины, но ме коля тэнӧ ловйӧн, ӧд тэ новлӧдлін Господь Ыджыдлысь кудсӧ менам Давид бать водзын да сыкӧд тшӧтш мунін сьӧкыдлунъяс пыр».

Матвей 24:9

Тіянӧс пондасны дзескӧдны да унаӧс виасны. Менам ним вӧсна став войтыръяс мустӧмтасны тіянӧс.

Иоан 15:20

Кутӧй тӧд выланыд Менсьым кывъясӧс: кесйӧг абу ыджыдджык аслас ыджыдысь. Менӧ кӧ вӧтлісны, вӧтласны тшӧтш тіянӧс. Менсьым кывъясӧс кӧ кывзісны, кывзасны тшӧтш тіянлысь.

Иоан 17:12

Накӧд муюгыдас олігӧн Ме видзи найӧс, Меным сетӧмаястӧ, Тэнад нимӧн. Ме видзи найӧс, да некод эз вош на пиысь сы кындзи, кодлы колӧ вӧлі вошнысӧ. Тадзи иніс Гижӧдыс.

Иоан 18:9

Исус шуис тадзи, медым инісны Сылӧн кывъясыс: «Меным сетӧмаясысь весиг ӧтикӧс эг вошты».

Ӧксыяслӧн 1 небӧг 23:17

Ионафан шуис: «Эн пов, Давид. Саул батьӧй оз аддзы тэнӧ да оз вермы тэныд вӧчны лёксӧ. Тэ кутан ӧксыавны Израильын, а ме лоа тэнад веськыд киӧн. Батьӧй тшӧтш тӧдӧ тайӧс».