Ӧксыяслӧн 1 небӧг 22:15 - Коми Библия 2023

¹⁵ Ме збыльысь кори Енмӧс туйдӧдны Давидӧс, кыдзи и водзынджык вӧчлі. Ӧксыӧй, эн мыжды менӧ, ассьыд кесйӧгтӧ, да менсьым рӧдвужӧс. Ме, тэнад кесйӧг, збыльысь нинӧм эг тӧд тэныд паныд кыпӧдчӧм йылысь».

Ӧксыяслӧн 1 небӧг 22:15 ပူးပေါင်းရင်းမြစ်များ

Ӧксыяслӧн 2 небӧг 15:11

Ерусалимысь Авессаломкӧд локтіс кыксё морт. Найӧс коригӧн Авессалом налы могсӧ эз висьтав.

Ӧксыяслӧн 2 небӧг 19:18

да отсавны вуджны сылы да сылӧн гортсаяслы. Найӧ зілисны быд ногыс кесъявны ӧксылы. Кор ӧксы лӧсьӧдчис вуджны Йӧрдан юсӧ, Шимей [кымынь] уськӧдчис ӧксы водзӧ

Ӧксыяслӧн 2 небӧг 19:19

да шуис: «Ыджыдӧй, эн мыжав менӧ. Эн казьтыв, мый сэки Ерусалимысь петігад ме, тэнад кесйӧг, вӧчи уна лёктор тэныд, ӧксыӧй. Эн кут тайӧс сьӧлӧмад.

Ӧксыяслӧн 2 небӧг 5:19

Давид шыасис Господь дінӧ да юаліс: «Петны-ӧ меным филистимсаяслы паныд тышӧ? Сетан-ӧ Тэ найӧс менам киӧ?» Господь вочавидзис: «Пет. Ме сета филистимсаясӧс тэнад киӧ».

Ӧксыяслӧн 2 небӧг 5:23

Давид шыасис Господь дінӧ. [Шуис: «Петны-ӧ меным филистимсаяслы паныд тышӧ? Сетан-ӧ найӧс менам киӧ?»] Господь шуис: «Воча налы эн пет. Кытшав найӧс бӧрсяньныс да матыстчы на дінӧ пуяс сайсянь.

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.

Ӧксыяслӧн 1 небӧг 22:16

Но ӧксы шуис: «Тэныд, Ахимелек, и тэнад рӧдвужлы ковмас кувны».

Ӧксыяслӧн 1 небӧг 25:36

Авигея локтіс гортас. Навал вӧлі лӧсьӧдӧма ӧксылы кодь ыджыд гаж. Сійӧ гажӧдчис да кодаліс. Авигея кыв эз шу сылы асылӧдзыс.