Ӧксыяслӧн 1 небӧг 22:10 - Коми Библия 2023

¹⁰ Ахимелек кевмысис Господьлы, медым Сійӧ туйдӧдас Давидӧс. Сэсся сетіс сылы сёян да филистимса Голиафлысь шыпуртсӧ».

Ӧксыяслӧн 1 небӧг 22:10 ပူးပေါင်းရင်းမြစ်များ

Лыд 27:21

Нав Исус кутас шыасьны Элазар поп дінӧ, а поп кутас юасьны Господьлысь урим пыр. Господьлӧн шуӧм серти войтырыскӧд сійӧ кутас петны тышӧ, и Господьлӧн шуӧм серти бӧр локны тыш вылысь».

Ӧксыяслӧн 1 небӧг 10:22

Сэки юалісны Господьлысь, локтас оз Саул. Господь вочавидзис, сійӧ пӧ кӧлуй чукӧр пытшкын дзебсясьӧ.

Ӧксыяслӧн 1 небӧг 21:10

Сійӧ жӧ лунӧ Давид пышйис Саулысь. Локтіс гефса Акиш ӧксы дінӧ.

Ӧксыяслӧн 1 небӧг 22:11

Саул ӧксы тшӧктіс корны Ахимелек попӧс, Ахитувлысь писӧ, да сылӧн бать рӧдысь став попсӧ, кодъяс кесъялісны Новын. Ставныс найӧ локтісны ӧксы дінӧ.

Ӧксыяслӧн 1 небӧг 22:13

Саул юаліс: «Мый вӧсна ті Ессей пикӧд сёрнитчинныд меным паныд? Тэ сетін сылы нянь да шыпурт, нӧшта корин Енмӧс туйдӧдны сійӧс, медым ӧні сійӧ меным паныд кыпӧдчис да тывйыштіс менӧ».

Ӧксыяслӧн 1 небӧг 22:15

Ме збыльысь кори Енмӧс туйдӧдны Давидӧс, кыдзи и водзынджык вӧчлі. Ӧксыӧй, эн мыжды менӧ, ассьыд кесйӧгтӧ, да менсьым рӧдвужӧс. Ме, тэнад кесйӧг, збыльысь нинӧм эг тӧд тэныд паныд кыпӧдчӧм йылысь».

Ӧксыяслӧн 1 небӧг 23:12

Давид юаліс: «Сетасны-ӧ Кейлаын олысьяс менӧ да менсьым йӧзӧс Саул киӧ?» Господь вочавидзис: «Сетасны».

Ӧксыяслӧн 1 небӧг 23:2

Давид юаліс Господьлысь: «Мунны-ӧ меным сэтчӧ? Верма-ӧ ме тайӧ филистимсаяссӧ?» Господь вочавидзис: «Мун. Тэ верман найӧс, тшӧтш Кейла карсӧ мездан».

Ӧксыяслӧн 1 небӧг 23:4

Давид бара шыасис Господь дінӧ. Господь шуис сылы: «Чеччы да мун Кейлаӧ. Ме сета филистимсаясӧс тэнад киӧ».

Ӧксыяслӧн 1 небӧг 30:8

Давид шыасис Господь дінӧ да юаліс: «Вӧтчыны-ӧ меным тайӧ мырддялысь-пазӧдысьяс бӧрся? Суӧда-ӧ ме найӧс?» Господь вочавидзис: «Вӧтчы. Тэ суӧдан и мездан ассьыд йӧзтӧ».