Ӧксыяслӧн 1 небӧг 21:7 - Коми Библия 2023

⁷ Вежаинын сэки вӧлі Сауллӧн Доик нима кесйӧг, сійӧ вӧлі Эдомысь. Сійӧ веськӧдліс Саул ордын ыж-мӧс видзысьясӧн.

Ӧксыяслӧн 1 небӧг 21:7 ပူးပေါင်းရင်းမြစ်များ

Олӧм 26:20

Но герарса ыж-мӧс видзысьяс вензисны Исааклӧн ыж-мӧс видзысьяскӧд, шуалісны, ваыс пӧ миян. Исаак пуктіс юкмӧслы Эсек ним, ӧд вензисны сэні.

1 Каднебӧг 27:29

Шаронын йирсьысь ӧш-мӧс вӧсна кывкутіс шаронса Шитрай, а ковтысын йирсьысь ӧш-мӧс вӧсна кывкутіс Адлайлӧн Шафат пиыс.

1 Каднебӧг 27:31

а ыжъяс вӧсна кывкутіс Агарсянь чужысь Язиз. Став тайӧ йӧзыс веськӧдлісны Давид ӧксылӧн овмӧсӧн.

2 Каднебӧг 26:10

Овтӧминын сійӧ тшӧтш вӧчис башняяс, изкыртаӧ кераліс уна вайӧртӧд, ӧд керӧсбердса муын да вывтасінын сылӧн вӧлі уна ыж-мӧс. Озей радейтіс му вӧдитӧм, та вӧсна керӧсъяс да ыбъяс вылын сылӧн йӧзыс быдтісны виноград да вӧдитісны му.

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

Левит 22:10

Бокыса мортлы вежа вайӧмторъяс сёйны оз позь. Поп ордӧ овмӧдчӧм либӧ медалӧм морт мед оз сёйны вежа вайӧмторъяс.

Левит 22:13

Сійӧ кӧ коляс дӧваӧн либӧ верӧсыс эновтас сійӧс, и ныв-пиыс сылӧн абу, и сійӧ кӧ бӧр овмӧдчас чужан керкаас, сэки мед сёяс сійӧ жӧ, мый сёйӧ батьыс. Но бокыса морт мед оз сёй вежа вайӧмторъяс.

Левит 24:5

Босьт ефа мында шобді пызьсӧ, юк дас пельӧ и сэтысь босьт кыксӧ. Таысь пӧжав дас кык нянь.

Левит 24:8

Быд шойччан лунӧ Израиль пиян нимсянь колӧ пуктыны няньсӧ Господь водзӧ. Тайӧ лоӧ нэмъяс кежлӧ кӧрталӧм йитӧд.

Амос 8:5

Ті шуанныд: «Кор нин помасяс выль тӧлысь пасйӧмыс, медым вермим бара вузавны нянь? Кор нин помасяс шойччан луныс, медым вермим восьтны нянь видзанінъяс? Сэки ичӧтджык мурталан доз босьтам, а донсӧ содтам, вескиӧн пӧръялам.

Матвей 15:8

– Тайӧ йӧзыс вомнас пыдди пуктӧны Менӧ, но налӧн сьӧлӧмныс ылын Меысь.

Ӧксыяслӧн 1 небӧг 11:5

Саул тайӧ кадас вӧлі локтӧ ӧшъясыс бӧрся видз-му вывсьыс. Сійӧ юаліс: «Мый лои войтырыскӧд? Мыйла найӧ бӧрдӧны?» Сылы висьталісны Явис карса олысьяссянь вайӧм юӧрсӧ.

Ӧксыяслӧн 1 небӧг 14:47

Сауллӧн ӧксыалӧмыс Израильын зумыдмис. Сійӧ тышкасис Израиль гӧгӧр олысь вӧрӧгкӧд: моав да аммон войтыръяскӧд, эдомсаяскӧд [да вефорсаяскӧд], цоваса ӧксыяскӧд да филистимсаяскӧд. Код вылӧ сійӧ уськӧдчыліс, ставнысӧ вермыліс.

Ӧксыяслӧн 1 небӧг 21:8

Давид юаліс Ахимелеклысь: «Эм-ӧ тані тэнад шы либӧ шыпурт? Ӧксы менӧ ёна тэрмӧдліс да, аскӧд некутшӧм тышкасянтор эг босьт, весиг шыпуртӧс».

Ӧксыяслӧн 1 небӧг 22:10

Ахимелек кевмысис Господьлы, медым Сійӧ туйдӧдас Давидӧс. Сэсся сетіс сылы сёян да филистимса Голиафлысь шыпуртсӧ».

Ӧксыяслӧн 1 небӧг 22:22

Давид шуис Авиатарлы: «Сійӧ лунӧ, кор ме вӧлі Новын, сэні вӧлі эдомса Доик. Ме тӧді, мый сійӧ висьталас ме йылысь Сауллы. Ме мыжа став тэнад рӧдвужлӧн кулӧмысь.

Ӧксыяслӧн 1 небӧг 22:9

Эдомса Доик сулаліс Сауллӧн кесйӧгъяс пӧвстын. Сійӧ шуис: «Ме аддзылі, кыдзи Ессейлӧн пиыс воліс Новӧ Ахитувлӧн Ахимелек пи дінӧ.