Ӧксыяслӧн 1 небӧг 21:11 - Коми Библия 2023

¹¹ Акишлӧн кесйӧгъяс шуисны ӧксыныслы: «Абу-ӧ тайӧ Давид, эсійӧ мусьыс ӧксыыс? Эз-ӧ йӧзыс йӧктӧмӧн сьывны сы йылысь, Саул пӧ вермис сюрсъясӧс, а Давид – дас сюрсъясӧс?»

Ӧксыяслӧн 1 небӧг 21:11 ပူးပေါင်းရင်းမြစ်များ

Псалтыр 34:1

Давидлӧн псалом. Господьӧй, вермась накӧд, кодъяс меным паныд сувтӧны, водзсась накӧд, кодъяс меным паныд водзсасьӧны.

Ӧксыяслӧн 1 небӧг 16:1

Господь шуис Самуиллы: «Дыр-ӧ на тэ кутан шогсьыны Саул вӧсна, кодӧс Ме вешті Израильын ӧксыалӧмысь? Тырт ассьыд дозтӧ выйӧн да мун Виплиемӧ. Ме ыста тэнӧ сэні олысь Ессей дінӧ. Сылӧн пиян пӧвстысь Ме бӧрйи Аслым ӧксыӧс».

Ӧксыяслӧн 1 небӧг 19:18

Давид пышйис, локтіс Самуил дінӧ Рамаӧ да висьталіс ставсӧ, мый сыкӧд вӧчис Саул. Сэсся Давид да Самуил мунісны [рамаса] Найотӧ да кольччисны сэтчӧ.

Ӧксыяслӧн 1 небӧг 27:1

Давид мӧвпаліс: «Коркӧ ме збыльысь веськала Саул киӧ. Бурджык меным пышйыны Филистим муӧ, сэки Саул ӧвсяс меысь, дугдас корсьны менӧ став Израиль му пасьтала. Тадзи ме мына сыысь».

Ӧксыяслӧн 1 небӧг 27:2

Давид босьтіс аскӧдыс квайтсё мортӧс да мӧдӧдчис гефса ӧксы дінӧ, Маоклӧн Акиш пи дінӧ.

Ӧксыяслӧн 1 небӧг 29:5

Тайӧ Давид йывсьыс ӧд коркӧ йӧзыс йӧктӧмӧн сьылісны, Саул пӧ вермис сюрсъясӧс, а Давид пӧ – дас сюрсъясӧс».